鴻發香港人魚蛋王

Open Now

Now Closed

經常經過，見到都幾多人食，但係慣性去到嗰附近，通常去咗食東江雞，咖哩牛腩，大榮樺 set lunch 或者沙隴炒粉麵飯。食完午飯，仲未落格，行過聞到五香鹵水味幾香，就入去試吓。本來想食魚蛋麵，見到隔離食墨魚鬚河，就改變主意😂叫咗個墨魚鬚麵落單兩分鐘就有得食，效率唔錯。先飲啖湯，一般味精湯，唔係大地魚，又唔係牛骨湯。墨魚鬚份量不少，墨魚鬚q彈又咬口，墨魚身林滑，幾好。面就普普通通，仍有少許鹼水味，可能配河粉會好啲。因為午餐剛剛飲完咖啡，所以冇加配奶茶咖啡，根粉麵加8定9蚊都好合理。