漢堡王 (Closed)

今日去T2 food court 食burger king ，揀咗四號餐——煙肉雙層芝士漢堡。雖然都有幾多人排隊，但都好快就出到餐。包薯條有啲細，但個包仲細過包薯條⋯⋯成個餐得汽水個size係正常，有啲sad😞但係勁好食🥳🥳啲薯條好粗、好熱、好脆，咬開仲可以睇到入面啲薯仔。個包啲牛肉都幾厚同埋唔會乾、幾juicy；煙肉唔會太乾太硬，同時亦唔會好油。兩樣肉配咗佢啲醬汁同熱到融咗啲芝士，再夾埋個鬆軟嘅麵包真係令人一啖一啖食唔停。個餐$74其實都唔算平，真係希望份量可以多少少。雖然食完嗰個moment都叫做夠飽，但過咗幾個鐘之後就好快肚餓。下次可能要俾多$5加大先真正填得飽個大胃🤣🤣