Video
Read full review
2019-03-14
787 views
又係同那個大食朋友食飯，今次都係explore 下佢屋企附近o既麵食。呢間麵店開到凌晨十二點，咁如果試過覺得ok，佢以後夜媽媽肚仔餓都有多個選擇啦！主要有瀨粉、薯粉同米線三種粉底，餸則隨自己食慾而o益，豐儉由人。咁既然鋪頭以「瀨粉」見稱，就小試佢o既瀨粉先，點o左個鮮蝦雲吞雪花肥牛瀨粉，配上蕃茄湯底(夾埋$42)。出面食開o既瀨粉通常都係幼身而偏晶瑩剔透，呢度o既粉底則係隻粗身瀨粉，口感煙韌而實淨，略帶米香；而家浸透o係蕃茄湯入面，更添惹味。雲吞係牆上寫住o既「本店十大必食」之一！果然鮮蝦味濃。肥牛片有住厚厚o既脂肪層，好喜歡佢o係口中慢慢咀嚼，油潤o既感覺~肥仔就試o左碗薯粉，劃o左個生菜鳳城水餃薯粉，要麻辣湯底(夾埋$39)。呢隻薯粉有少少自帶o既清甜，質感軟滑q 彈。水餃亦都係十大必食之一，我都有夾隻o黎食下，size 比雲吞要再大一d，有住冬菇、雲耳同豬肉等配料，的確係幾足料飽滿。邪惡o既宵夜，又點少得邪惡o既炸雞翼！﹖我地仲單點o左一份酥炸雞翼($28)。d 雞翼好明顯係生炸，靈舍有風味，皮脆肉嫩。o岩o岩上檯o個陣仲會見到層皮d 油花「仆」「仆」聲咁彈起，而家諗番起都流晒口
主要有瀨粉、薯粉同米線三種粉底，餸則隨自己食慾而o益，豐儉由人。咁既然鋪頭以「瀨粉」見稱，就小試佢o既瀨粉先，點o左個鮮蝦雲吞雪花肥牛瀨粉，配上蕃茄湯底(夾埋$42)。
出面食開o既瀨粉通常都係幼身而偏晶瑩剔透，呢度o既粉底則係隻粗身瀨粉，口感煙韌而實淨，略帶米香；而家浸透o係蕃茄湯入面，更添惹味。雲吞係牆上寫住o既「本店十大必食」之一！果然鮮蝦味濃。肥牛片有住厚厚o既脂肪層，好喜歡佢o係口中慢慢咀嚼，油潤o既感覺~
雪花肥牛
15 views
0 likes
0 comments
肥仔就試o左碗薯粉，劃o左個生菜鳳城水餃薯粉，要麻辣湯底(夾埋$39)。呢隻薯粉有少少自帶o既清甜，質感軟滑q 彈。水餃亦都係十大必食之一，我都有夾隻o黎食下，size 比雲吞要再大一d，有住冬菇、雲耳同豬肉等配料，的確係幾足料飽滿。
鳳城水餃
53 views
0 likes
0 comments
邪惡o既宵夜，又點少得邪惡o既炸雞翼！﹖我地仲單點o左一份酥炸雞翼($28)。d 雞翼好明顯係生炸，靈舍有風味，皮脆肉嫩。o岩o岩上檯o個陣仲會見到層皮d 油花「仆」「仆」聲咁彈起，而家諗番起都流晒口水呀……
酥炸雞翼 ($28)
18 views
0 likes
0 comments
餐飲點o左凍好立克(加$9) 同豆漿($7)。呢間餐廳，我覺得係簡單而好食，真心推介！
Post
