上海香港麵家

Open Now

Now Closed

約左友人去淺水灣閒遊一下，喺渣甸街等小巴之前，就黎左同一條街既上海香港麵家預先買定兩個粢飯做輕食午餐。可能因為好多客人都會光顧粢飯既關係，店員都已經包定一啲現成係度，同埋都會keep住密密手喺度包，買完拎上手都仲係暖嘅。見到餡料都新鮮，雖然$27偏貴但都有所期待。去到沙灘急不及待開黎食左先，油炸鬼偏腍偏韌，略嫌肉鬆及菜甫落得唔夠多，但整體上係平衡嘅，唔會似其他店家一係偏小一係大得誇張，個米飯嘅量岩岩好可以又食到飯又食到餡。