大四囍

Open Now

Now Closed

大四喜(跑馬地)今日老公放工嚟接我，佢話帶我食中餐。我哋嚟到咗位於跑馬地嘅大四喜，進食各款美食。餐廳食物選擇豐富，而且每款都好吸引。餐廳環境闊落，坐得好舒服。1.蝦多士2件 $96蝦多士好厚身，表面佈滿芝麻，食落非常香口。師傅炸得非常香脆，而且食落唔會好油。麵包嘅部份已經好香脆，而蝦滑嘅部份非常鮮甜彈牙，美味。2.粟米蟹肉羹 $88粟米蟹肉羹用料高質，質地較傑身。蟹肉份量多，味道鮮甜美味。而粟米都非常甜，整碗湯嘅材料配搭得非常好。3.生拆蟹肉炒大良奶 $198蟹肉炒鮮奶賣相非常好，鮮奶炒得非常有光澤感，食落奶香味濃，而且好滑。而裏面仲有好多蟹肉，蟹肉拆得好乾淨，完全冇骨，食落鮮甜美味。4.籠仔荷葉班頭腩蒸飯$198咁我哋都叫咗個煮食，荷葉飯好大碗，而且用荷葉包住嘅飯特別香噴噴，有種特別嘅香味。班頭腩好新鮮，魚肉好滑。蒸飯就已經帶有點點嘅魚味，好好味。