南龍粥店 (Moved) New Location

今日行經呢間粥店,見到鋪面幾整齊清潔,自己個肚又有少少肚餓,就入去試吓佢啦。坐低望吓餐牌有乜野好食,佢地有湯飯、蒸飯及粥品、油器及餃子等,個粥品種類算幾多及有新穎配搭,我就鐘情舊式粥品多d,所以叫咗個及第粥同炸两。及第粥材料夠足料,有豬肚、豬腰、豬膶、豬心及豬腸各兩舊,全部都好鲜味,正!,如果加返肉丸咁就完美嘞。可惜個炸两就差少少,條炸面以為會有少少脆口,点知口感似食牛脷酥咁,成碟嘢冇乜温度,如果炸两個腸粉皮佢地可以做到即叫即捲就會完美d。