Video
Read full review
2017-05-16
717 views
朋友住係新蒲崗，成日都推介新蒲崗有咩好食，今日就同佢一齊去食間佢口中平靚正既粥底海鮮火鍋。7點未到去到都幾多人，得返1張2人枱係最入，無辦法啦無book枱，逼小小都照殺。睇一睇個餐牌，真係超級抵喎，套餐＄198唔洗加一唔洗配料費，有7款海鮮同5款自選餸菜，仲要最後有個粥同埋甜品添。一黎就上左個鍋先，湯底係粥水，白白地清清地，但其實都幾黏，另外就黎左個high tea三層架，不過係放果7種海鮮，有蝦有魚有蜆，仲要有鮑魚同完整一隻肉蟹！水滾侍應就幫我地落左蝦，鮑魚同肉蟹，仲幫我地計時，次序係食左蝦先，之後食鮑魚，最後先食蟹。咁大隻蝦原來2分鐘就夠仲要岩岩好離晒殼，肉質鮮甜彈牙，連個蝦頭都好多肉食，醬料都唔洗。之後就食鮑魚，有半隻手掌咁大，有口感，清甜可口，但唔食得果部分要花d時間先搣得開。最後先食蟹，隻蟹真係好大隻，一人半邊夠晒食，雖然係肉蟹，但都有d膏食，最重要係8分鐘岩岩好，d肉一d都唔老又無縮到，仲要超級甜，食到咩形象都無晒。之後再落3款蜆，大中細，大既都有1/3隻手掌咁大，無沙清甜，但我最欣賞都係中size，6完仲係脹卜卜，好juicy好有海鮮鮮味，又好彈牙。魚片比較容易散，6既時
睇一睇個餐牌，真係超級抵喎，套餐＄198唔洗加一唔洗配料費，有7款海鮮同5款自選餸菜，仲要最後有個粥同埋甜品添。
一黎就上左個鍋先，湯底係粥水，白白地清清地，但其實都幾黏，另外就黎左個high tea三層架，不過係放果7種海鮮，有蝦有魚有蜆，仲要有鮑魚同完整一隻肉蟹！水滾侍應就幫我地落左蝦，鮑魚同肉蟹，仲幫我地計時，次序係食左蝦先，之後食鮑魚，最後先食蟹。
咁大隻蝦原來2分鐘就夠仲要岩岩好離晒殼，肉質鮮甜彈牙，連個蝦頭都好多肉食，醬料都唔洗。
之後就食鮑魚，有半隻手掌咁大，有口感，清甜可口，但唔食得果部分要花d時間先搣得開。
最後先食蟹，隻蟹真係好大隻，一人半邊夠晒食，雖然係肉蟹，但都有d膏食，最重要係8分鐘岩岩好，d肉一d都唔老又無縮到，仲要超級甜，食到咩形象都無晒。
之後再落3款蜆，大中細，大既都有1/3隻手掌咁大，無沙清甜，但我最欣賞都係中size，6完仲係脹卜卜，好juicy好有海鮮鮮味，又好彈牙。魚片比較容易散，6既時候要小心d睇住，多寶魚鮮甜但都唔少骨，要小心d食。
5款火鍋料我叫左肥牛，滑雞，響鈴，墨魚滑同醬爆貢丸。
肥牛睇起上黎有d肥，不過好有牛肉味，同黏黏地既粥底好夾。
響鈴要比平時6耐d，可能係粥底既關係，d湯無咁易滲入去，拿唔準會6到淋晒好似我咁，不過響鈴味道好香，成個湯底都有響鈴陣豆味。
食晒d野之後就加飯，但我地真係太飽食唔落，落左半碗飯姐所以無平時咁綿，但有晒所有海鮮精華既粥好有味道，唔洗加調味料。真係超級飽，好抵食，朋友果然無介紹錯。
Post
