六十六十火鍋 (Closed)

自從上次去過元朗食粥底火鍋，同埋去某間連鎖式快餐店食過嘅粥底火鍋之後，我人生嘅打邊爐選擇除咗麻辣火鍋之外多咗一個選擇。早排同朋友去咗長沙灣買嘢，經過呢間餐廳，望到佢哋個餐牌有粥底火鍋套餐，見價錢唔算貴，就決定試一試。粥底火鍋$200一位，可以揀八款+6款配料！其實打邊爐來講，食來食去都係嗰幾種食物，但最緊要其實就係要食材新鮮！一開始湯底只係粥水，但係唔怕冇味，因為首先係食海鮮，啲海鮮係好新鮮好鮮味！跟住再食其他火鍋配料，到最後加埋粥底配料（木瓜，芋頭，等等），所有海鮮、肉類嘅精華完全喺晒呢個粥底嗰度，真係非常非常非常之好味！ 以呢個價錢，有蟹、鮑魚、聖子等等嘅海鮮，性價比10分高！會再幫襯！