海皇粥店 (Closed)

我同朋友間中都會去食粥, 早幾日咁岩經過呢度, 粥癮又起, 所以入左食個早飯。環境尚算"企理", 不過衛生認真麻麻. 有隻烏蠅飛來飛去, 拎筷子時仲見到有隻蟻"痴"住向支筷子度>____<仲係tea time, 朋友叫左個碎牛粥+炒麵, 都只係10幾蚊, 我地仲叫左好多野食, 包括炸腸, 咸肉粽同埋迷你牛利so, 因為叫得太多野食, 我就叫碗白粥送下d野食算。朋友碗碎牛粥都幾棉, 冇變水, 可能因為d碎牛有唔少粉, 所以我碗冇粉白粥就好快稀晒, 唔掂! 另外炒麵ok, 炸腸即叫即整, 油炸鬼冇淋, 都ok, 隻粽就mama地, 唔係好夠熱而且冇乜味, 牛利so就送粥食既, 亦冇咩特別啦, 唯一好既係有迷你, 過下口癮就fit晒。一向都知呢d連鎖式粥鋪冇乜質素, 只不過係貪方便, 有冷氣電視又有幾個態度唔錯既嬸嬸serve喎, 粥癮突然發作既話, 叫做頂住先啦。