金峰靚靚粥麵

Open Now

Now Closed

銀杏白粥兒時上學前在大排檔嘅早餐回憶，這裡的白粥做得還可以，火喉掌握非常好，米粒糯、綿、滑、入口有清香回甘嘅銀杏味道，要挑剔的話腐竹、米、水嘅比例可以再調校一些，例如降低腐竹量20-30%，水嘅比例提高番5%左右效果可能會更加好（純個人意見）。銀芽炒麵失望，炒麵做得稍為油膩同欠鑊氣，唯一可以係啲芽菜仔炒得剛剛熟帶點點生，唔錯。叉燒腸粉唔合格，上枱時已經覺得唔係好對路，腸粉皮比較厚，用筷子夾落啲腸粉係霉霉爛爛咁，失敗！入口只有醬油味道蓋過哂啲食材本身，問題重點應該係調較米漿份量比例同蒸嘅功力尚代要改進。。。炸兩原本只想叫條油炸鬼試一試，點知啊姐話週六、日不賣”淨”油炸鬼，必須要點炸兩。。。（唉，知道了，生意難做嘛。。。不過都想問問老板為何要這樣？）。炸兩完全唔合格，油炸鬼炸得過透，配合啲厚皮霉揼揼腸粉外皮完全係分咗手嘅男女咁。。。失望。。。綜合嚟講，合金峰只係一間尚存的傳統粥麵店，距離”師傅”味道尚要繼續努力！