Video
Read full review
2023-03-17
1709 views
「靠得住」連續12年#米芝蓮推介，每次食佢嘅粥品都唔會失望，最中意佢嘅鮮魚湯粥底，同所有粥品絕不添加味精，真材實料。除咗有提供粥、麵、糭等，靠得住原來仲有小菜！今晚一家四口就去咗太古康怡分店食晚飯，試吓佢嘅小菜！環境舒適，有卡座、半圓梳化座、仲有廂房。《 陳醋春耳 💲22 》爽口開胃～《 麻辣小黃瓜 💲22 》清甜新鮮～《 招牌雲吞麵 💲55 x2 》雲吞鮮味，銀絲幼麵十分爽口彈牙，無鹼水味，湯底由大地魚、豬骨等材料慢火熬製，並會即席倒入碗中，新鮮滾熱辣，果然係招牌～《 心肝寶貝粥 （豬潤、帶子）💲78 》靠得住主打鮮魚湯粥底，每天選用多種新鮮靚魚熬製；再配合時間掌控，將米慢慢煲開成米花，粥底綿滑鮮甜! 而心肝寶貝粥嘅鮮魚湯粥底配以口感十足嘅刺身級帶子同黃沙豬膶，味道鮮味又甘香，好滿”粥”! 《 鮮炸油條 （原條）💲28 》即炸新鮮而不油膩，鮮脆可口，配粥一流～《 酸菜魚（原條䱽魚）💲98（原價💲138） 》做緊優惠$98 就食到，咁抵一定要試吓！䱽魚大條多肉，微辣惹味，有好多豆腐卜同酸菜，吸汁惹味。職員仲好nice咁比隻碟我地放魚～《 白灼豬腰豬潤 💲68 》超新鮮爽口，外脆內嫩，零
「靠得住」連續12年#米芝蓮推介，每次食佢嘅粥品都唔會失望，最中意佢嘅鮮魚湯粥底，同所有粥品絕不添加味精，真材實料。
除咗有提供粥、麵、糭等，靠得住原來仲有小菜！今晚一家四口就去咗太古康怡分店食晚飯，試吓佢嘅小菜！
環境舒適，有卡座、半圓梳化座、仲有廂房。
《 陳醋春耳 💲22 》爽口開胃～
《 麻辣小黃瓜 💲22 》清甜新鮮～
《 招牌雲吞麵 💲55 x2 》
雲吞鮮味，銀絲幼麵十分爽口彈牙，無鹼水味，湯底由大地魚、豬骨等材料慢火熬製，並會即席倒入碗中，新鮮滾熱辣，果然係招牌～
《 心肝寶貝粥 （豬潤、帶子）💲78 》
靠得住主打鮮魚湯粥底，每天選用多種新鮮靚魚熬製；再配合時間掌控，將米慢慢煲開成米花，粥底綿滑鮮甜!
而心肝寶貝粥嘅鮮魚湯粥底配以口感十足嘅刺身級帶子同黃沙豬膶，味道鮮味又甘香，好滿”粥”!
《 鮮炸油條 （原條）💲28 》
即炸新鮮而不油膩，鮮脆可口，配粥一流～
《 酸菜魚（原條䱽魚）💲98（原價💲138） 》
做緊優惠$98 就食到，咁抵一定要試吓！䱽魚大條多肉，微辣惹味，有好多豆腐卜同酸菜，吸汁惹味。職員仲好nice咁比隻碟我地放魚～
《 白灼豬腰豬潤 💲68 》
超新鮮爽口，外脆內嫩，零腥味，好有水準！芽菜都肥嘟嘟，又多花生。
《 手作煎釀豆腐 💲88 》
白滑放喺小鑊上用火滾熱住，保持溫度，有大量黃豆，豬肉餅香口入味，豆腐豆腐外酥內嫩，掛上香濃醬一試難忘～
《 脆炸豬大腸 💲88 》
大腸洗得乾淨冇異味，外層炸得香脆薄脆可口，脂肪少，腸肉嫩完全唔韌，配埋甜酸醬汁極之推介！
《 魚湯海味粉絲什菜煲 💲88 》
魷魚、木耳、小棠菜、菜芯、西蘭花、粟米仔、草菇、粉絲、大蝦米乾、雪耳同蟹柳，用料十足，湯底清甜，加埋粉絲好飽肚。
《 蘋果紅茶每壺 💲10 》
茶香中有淡淡嘅果甜，幾清香～
屋企人大讚好味，一定會再幫襯～
Post
