良美飯堂

Open Now

Now Closed

外面見呢間新飯堂係新嘅，個名玩食字，但係又唔起眼又冇招牌，因為外面望到入邊都幾企理，就入去試咗個咖喱吉列豬扒飯。塊吉列豬扒認真大塊，賣相就真係幾唔錯嘅。切開放落口其實個吉列外皮幾鬆脆，豬扒都醃得味道唔錯，有肉汁唔乾，算係有驚喜。個咖喱本身係港式咖喱，唔太辣，個味道都比較大眾化，應該都啱好多人口味，唔怪得見到側邊有幾個人都有叫咖喱。仲可以咖喱牛腩或者其他肉類選擇。呢間飯堂都算係咁，冷飲冇加錢。而家走塑之後呢度D紙飲管都算唔錯 ，起碼飲凍飲冇浸一陣就軟哂。個人認為比預期好，我會再返轉頭試佢哋嘅蔥油系列同埋焗飯系列。