鴨仔冰室 (Closed)

之前路過鴻圖中心，發現呢度都幾多食肆，今日喺牛頭角做完嘢，就決定再黎呢度覓食😌 同朋友睇完鴨仔冰室既Menu，不約而同覺得好平，Dinner set圍繞$50-$138，就入左去試下喇～➿是日餐湯 (+$5) 👉🏼 南瓜湯飲到啖啖南瓜蓉，好味！➿沙嗲牛肉煲仔麵 配奶油多士 ($50)我地第一次見煲仔麵，所以試下～ 以煲仔咁上，比平時食既沙嗲牛麵味道更濃郁，每條麵都掛汁，食到後半會覺得似拌麵，但麵條唔會發大變淋，質感似辛辣麵麵底🧐➿慢煮雞胸燒南瓜雜菜沙律 ($50)沙律菜伴少少既油醋，沙律味道主要黎自南瓜，燒過既南瓜軟冧而更顯南瓜甜味～雞胸唔會好鞋口，整體唔錯😋➿ 鐵板西冷牛扒配薯條 ($138) *配蘑菇汁鐵板一上枱店員就會好細心咁遞埋紙巾🧻 俾我地遮住半身，之後先再淋汁👍🏽 西冷上既格紋烙得好靚，有種炭燒既味道～ 切開第一舊之後，本來覺得有d生，但攤喺仲有餘溫嘅鐵板上面多一陣，放入口就覺得肉汁冇流失，生熟程度處理得岩岩好！😋 菇控一定要叫蘑菇汁，因為有附送雜菌😆➿ 黑牛 (+$12)配合埋冰室成個環境，飲黑牛有種暴露年齡既感覺😛 飲飲下會諗起細細個食過既黑牛雪條，大家有冇食過？😝整體