Video
Read full review
2004-06-28
43 views
端午節過後熱到飛起，又到食黃油蟹的時候。食友們一致認為傳統食黃油的地方如鴻星、東海等已不復當年勇，唔係黃油蟹唔得，而係小菜走下坡，所以今年一於試新地方。有人提議呢度，這裡粵菜一向有番咁上下掂，都可以一試。剛巧呢兩日要去旺角清埋D手尾，事先探路的工作又理所當然的由我來執行，今日就聯同兩名食友來訂位，當然亦要吃一吃看對不對辦。星期一的下午都滿座，可見呢區識搵食的人都不少，好彩我們都有訂位。大半年無幫襯，侍應們招呼仍十分之好，永遠有一個侍應生站在可以叫得到的地方，平時不煩人客，一揚手她就來，服務是值得一讚。呢度點心出色，但難得食友聚頭也不妨吃得豪一點，湯是西洋菜生魚湯，冷菜要了海蜇頭；今日有20斤的花錦鱔，就要了一客來炆火腩；一碟如意吉祥，是炒五秀；另外一碟中蝦煎麵。西洋菜生魚湯一煲上，份量十足，一人飲了四碗有多，夠晒皮；湯亦煲得好夠火侯，撈渣上碟，生魚肉已經變了片片碎，夠味道又聚火，天時暑熱至適合；海蜇頭比一條條的海蜇更爽脆，用麻油及辣油伴過，是個好有水準的冷菜，海蜇時時有，海蜇頭就不是，所以有而又未吃過的話，不可以錯過；火腩炆花錦鱔又係好夠份量，看鱔段的大小便知20斤所言非虛。生汁扣得入
星期一的下午都滿座，可見呢區識搵食的人都不少，好彩我們都有訂位。大半年無幫襯，侍應們招呼仍十分之好，永遠有一個侍應生站在可以叫得到的地方，平時不煩人客，一揚手她就來，服務是值得一讚。
呢度點心出色，但難得食友聚頭也不妨吃得豪一點，湯是西洋菜生魚湯，冷菜要了海蜇頭；今日有20斤的花錦鱔，就要了一客來炆火腩；一碟如意吉祥，是炒五秀；另外一碟中蝦煎麵。
西洋菜生魚湯一煲上，份量十足，一人飲了四碗有多，夠晒皮；湯亦煲得好夠火侯，撈渣上碟，生魚肉已經變了片片碎，夠味道又聚火，天時暑熱至適合；海蜇頭比一條條的海蜇更爽脆，用麻油及辣油伴過，是個好有水準的冷菜，海蜇時時有，海蜇頭就不是，所以有而又未吃過的話，不可以錯過；
火腩炆花錦鱔又係好夠份量，看鱔段的大小便知20斤所言非虛。生汁扣得入味，鱔肉亦嫩滑有口感，鱔皮彈牙，好正。肉及鱔皮內充滿油脂，所以食兩食都會膩的，如兩個人食一份是稍多，三個人就剛好。198蚊一份唔平，但又唔係時時有生猛貨色，有得食我們當然不會錯過；
炒五秀是銀杏、菇、百合、露筍等，炒得不油又有水準，同鏞記的亦不梳伯仲。夏天蔬菜短缺，清炒五秀就至適合。中蝦煎麵是炸麵餅，炸乾的麵餅一點不油，脆卜卜的，好正；配上中蝦碌，三兩下就給我們清了碟。
甜品全部要楊枝金露，這裡的楊枝金露幾多料，不比糖水專門店的差。
埋單六百多，不便宜。但招呼好，食物有水準，地方又好坐，仍然是有水準的食肆。
題外話：又黃油蟹呢期39.8蚊一兩，一年食得果一兩次當然要吃大的，不吃套餐行貸。已叮囑預留了九兩以上的，幾日後就來個黃油蟹宴！
Post