Accro Coffee

Open Now

Now Closed

來過咁多次，今次終於試到期待已久的蘋果金寶 Apple Crumble。賣相一般但味道一流。脆脆的外表加像流心一樣的蘋果蓉，口感一流。配上雲尼拿雪糕一凍一熱咁食，絕配。希望可以多點時間供應。雞胸香草包$55 香草包焗得外皮脆内軟熟、食落有啖啖香草味。雞肉填滿整個包，配上芝士及醬汁好夾。分量大件，兩人分享一人一半好滿足。鮮果吉士醬窩夫$98 必點甜品，窩夫烘得時間剛剛好，脆身但唔硬，食落好重蛋香。鮮果都用上時令水果，全部都好新鮮爽甜，而且唔似預先切定。吉士醬甜度適中。當日的精選咖啡$50 （食物加點飲品減$5）係Brazil Capricornio，包括一小杯Single Expresso 及一小杯Milk Coffee。店員介紹可先飲Single Expresso，店道較為fruity，略帶酸味。再飲有靚靚拉花的 Milk coffee，好滑好香豆味。