車品品小食 (Closed)

人生交叉點 ： 去到大角咀，你只可以去「英記油渣麵」或者「車品品」，會點揀呢？好彩今日唔駛揀，因為英記未開，可以放心去車品品。 魚肉碗仔翅$22 一碗，梗係貴啦，但係又好足料，濃稠適中，仲鬼咁大碗，不過我唔鍾意啲魚肉，因為不是魚肉，是魚蛋切片的，用鯪魚肉先啱囉。 干邑吉品鮑＄40一隻，＄78兩隻，質地好好，個汁甜甜哋，最好用來撈麵，那個蝦子粗走油係冇味的，啱哂。 車品品話自己只係兼賣車仔麵，實在好謙厚，因為水準都認真不錯，豬大腸入味又夠腍，豬紅可以，紅腸厚切，最好係個湯底，更值得一提係＄17兩粒標榜冇防腐劑冇味精的粗黃牛丸，老實講，係幾好食，好鬼有牛味，不過17蚊兩粒⋯⋯ 仲有個魯肉餃，用魯肉來包餃第一次食，個餡好juicy ，唔係好多肉，但我認為個味濃咗啲。 下次去大角咀如果兩間都有開，我知點揀，月頭去英記，月尾去車品品。