Video
Read full review
2018-11-21
645 views
最近天氣涼，又係開始瘋狂打邊爐嘅時間，今次做足功課，book定枱帶女朋友去試下呢間本土懷舊風嘅火鍋店，等佢可以邊食邊影相邊打咭📷上到去目測全場滿座，提提想食嘅朋友記得book位。•十下•走懷舊風，七八十年代嘅裝修，仲搜集咗唔同嘅舊傢私擺設/餐具，霓虹燈/細磚牆等嘅設計都令人仿佛置身喺上一個年代嘅香港，好有昔日情懷。店內播嘅都係八九十年代膾炙人口嘅金曲，彭羚/譚詠麟/梅豔芳.... 我地一邊鬥快估歌仔，一邊跟住唱埋一份😂二人餐有兩款，第一次嚟我地先試個•十下二人套餐•$288/位。上火鍋前當然有呢個調味醬料盤，除咗葱/芫荽/紅椒絲/生蒜，仲有沙茶醬/麻醬/炸蒜片。店員仲細心提醒我地個壼係豉油另一樽係醋。每款湯底都好吸引，於是我地叫鴛鴦鍋，一人揀一款。清燉山藥菌菇湯湯底好足料，有蟲草花，杞子，猴頭菇及其他菇菌，個湯清清地又有好香濃嘅菇菌味。滋潤木瓜蕃茄鮮魚湯鮮甜嘅蕃茄魚湯，大大條煎到金黃嘅魚尾做膽，個湯一啲都唔腥。隔咗陣之後，店員仲會幫忙攞起條魚尾等我地慢慢食😋•十下二人套餐•入面跟咗十款配料 :大刀手切本地肥牛呢個正👍🏻真正嘅牛有牛味😂入口除咗有香濃牛味，仲有油香，又唔會太肥，油脂分佈平
上到去目測全場滿座，提提想食嘅朋友記得book位。
•十下•走懷舊風，七八十年代嘅裝修，仲搜集咗唔同嘅舊傢私擺設/餐具，霓虹燈/細磚牆等嘅設計都令人仿佛置身喺上一個年代嘅香港，好有昔日情懷。店內播嘅都係八九十年代膾炙人口嘅金曲，彭羚/譚詠麟/梅豔芳.... 我地一邊鬥快估歌仔，一邊跟住唱埋一份😂
二人餐有兩款，第一次嚟我地先試個•十下二人套餐•$288/位。
上火鍋前當然有呢個調味醬料盤，除咗葱/芫荽/紅椒絲/生蒜，仲有沙茶醬/麻醬/炸蒜片。店員仲細心提醒我地個壼係豉油另一樽係醋。
十下二人套餐
84 views
1 likes
0 comments
清燉山藥菌菇湯
湯底好足料，有蟲草花，杞子，猴頭菇及其他菇菌，個湯清清地又有好香濃嘅菇菌味。
滋潤木瓜蕃茄鮮魚湯
鮮甜嘅蕃茄魚湯，大大條煎到金黃嘅魚尾做膽，個湯一啲都唔腥。隔咗陣之後，店員仲會幫忙攞起條魚尾等我地慢慢食😋
•十下二人套餐•入面跟咗十款配料 :
大刀手切本地肥牛呢個正👍🏻真正嘅牛有牛味😂入口除咗有香濃牛味，仲有油香，又唔會太肥，油脂分佈平均，肉質嫩滑有口感，記得唔好淥咁熟，如果唔係就浪費咗碟靚牛。
十下三寶滑有蝦滑/魚滑/牛滑，三款滑都係店家自己打，新鮮製造👍🏻落鍋時，咁啱有店員經過仲好熱心咁一邊同我地傾計，一邊幫我地整落到鍋到。
懷舊果皮魚蛋~以前細個食街邊魚蛋比較多用呢款，而家就買少見少。陳皮魚蛋口感比較實淨，有鮮味。
寬冬粉~呢個粉好味呀，煙韌彈牙，仲吸收埋啲湯。
爽滑鴨血~完全冇血腥味，爽彈滑溜。
鳳城水餃~足料大大隻，有豬肉/筍/蝦/木耳，質感實在，皮薄餡靚唔鬆散。
流心粟米丸+三星葱醬爆貢丸~流心粟米丸比較特別，出面唔多食到。醬爆貢丸都ok，唔錯。
蔬菜拼盤~有唐生菜/娃娃菜/冬菇/粟米/白蘿蔔。
花雕雞嫩肉~好香花雕味，無骨雞肉又滑又有彈性。
脆炸響鈴~大路唔脆口嘅響鈴，對於唔係即炸嘅響鈴都冇咩要求，冇油益味就得。
天然椰子水跟餐送兩罐飲品，或者可以加錢轉特飲，打邊爐想清潤啲，唔叫椰子水都仲有冬瓜茶/洛新花茶/酸梅湯等等可以揀。
服務好想特別提下呢到嘅服務，今時今日咁好嘅服務比較難得👍🏻
呢到每個員工都好勤力同細心，行過嗰陣都會留意客人需要，會幫你睇下個火嘅大細啱唔啱，主動加湯，幫手落下嘢食，撇走啲油等等。值得一讚👍🏻👍🏻👍🏻
Post
