榮哥廚房私房菜

Open Now

Now Closed

觀塘嘅工廈真係有好多隱世美食，今晚朋友請食飯，佢話帶我嚟到觀塘工業中心食私房菜。呢度每一道菜都精工細作，既保留左傳統中菜嘅特色，但又加入左一啲創新嘅元素，為味覺帶來新衝擊。「原盅燉姬松茸淮山甘筍燉黑毛豚肉湯」，真材實料，火候十足，原汁原味，味道一流。「蝦球水芙蓉」嘅大蝦爽口彈牙，芙蓉蛋嫩滑無比，湯汁都好好味。仲有一道「醬燒爽厚豚頰肉伴柳丁汁青木瓜絲」味道清新，豚頰肉肉質爽口，配上青木瓜絲嘅酸酸甜甜，食多兩舊都唔會覺得油膩。最後上枱嘅甜品係「薑汁芝麻湯圓」，薑汁夠晒辣，而湯圓香糯軟滑，芝麻餡又香又濃，美味滿足，更為今晚豐富嘅晚餐劃上完美嘅句號。