魯一式 (Closed)

好耐好耐之前食過一次，都已經差D唔記得食左乜，但個心就一直諗住要食到滷水三寶。因為上次想食，佢話嗰日無整無得賣。賣野講心情，真係幾把炮，搞到我更想食。後來有幾日又想食，點知仲無開，唔知仲以為老細退休關門大吉 😅今日終於食到啦。賣相唔係幾好，但味道出奇地非常好。雞翼炆到好腍好香滷水味，帶少少甜。豆腐就雖然入味，但差在外皮翻炸過，搞到個外皮好硬。如果呢點可以改善，會更加好食。最驚奇精彩嘅係粒滷水蛋 🤤🤤🤤 非常軟滑。一咬開蛋黃流心，又有好香濃嘅蛋味同滷水香，不得了。