AGE Cuisine Express (Moved) New Location

我出左名係粟米狂，去到邊食乜，中西式咩都好，都會叫有粟米既菜式，有同事就叫我黎呢度試下有個粟米頭盤，於是就拉左兩個好朋友陪我。呢度啲頭盤選擇幾多，款式睇落亦幾吸引，出面唔多食到，其實佢啲主菜都有返咁上下水準，只係我地之後掛住食唔記得影相，所以今次就重點寫關於頭盤既食評啦，嘻嘻……同事叫我必試既就係呢個香甜粟米及BB菠菜葉香草忌廉汁，菠菜葉既鮮同粟米既甜好夾，加埋忌廉汁入口好creamy，咬落爽爽脆脆咁，好sweet好好味，真係好想自己獨食呀!!!!再黎一個都係比較清新既頭盤：芝士焗露筍，露筍睇落好翠綠，食起黎好鮮嫩、卜卜脆……芝士溶化左之後滲透入去，口感更滑溜。仲有一個係自家製香草醬脆薯角，本身脆薯角炸到比較脆口，加入左香草醬正好中和左果份熱氣既感覺，可以食得真薯味。下次會記得影主菜架喇，到時再分享啦！