Felice Cafe & Pasta (Closed)

橫街其實有唔少美食小店，銅鑼灣希雲街係其中之一。喺雲雲希雲街小店之中，Felice Cafe and Pasta 係一間出色既意粉店。疫情期間，限聚令影響下，set lunch選擇唔多，先後兩次光顧，試過A，C選餐。主菜意粉未到，先食沙律菜。新鮮沙律菜，加上黑醋，已經開胃，增加食慾。第一次去，試燒鳗魚意粉。忌廉汁浸到滿滿，未食鰻魚，d汁已經沽上燒鰻魚味。燒鰻魚份量亦十足。意粉雖然汁多，但意粉依然有口感。第二次去，試炒意粉，用芝士，煙肉炒乾身，所以非常好味。牛油果之多，真係啖啖有，加上茄乾點點酸味，呢碟炒意粉真係味道豐富。