鳴虎 (北帝街) (Closed)

朋友帶我嚟土瓜灣呢一間鳴虎，作為一間小店，我覺得呢度嘅質素超有驚喜🇯🇵聽朋友講呢度雖然鋪仔細細，但係老闆之前係喺日本做過拉麵，所以都將日本嘅味道帶過嚟香港，而且價錢亦都唔貴👍🏻我哋叫咗兩款拉麵，分別係黑鳴虎(博多黑蒜油)同埋鳴虎(日本魚乾&豬骨湯)，黑蒜油嘅味道好濃郁好香，而鳴虎嘅湯底採用鮮魚同豬骨熬好多個鐘，濃而不膩🍜拉麵嘅質地亦算彈牙，叉燒因為炙燒過，滲出油脂，入口有溶化嘅感覺。另外仲有叫咗兩款小食，就係揸到脆卜卜嘅芝麻雞翼，十分香口，同埋芝士魚餅拼魚條，芝士做到流心效果❤️估唔到係一間小店食到呢個質素，而且價錢一啲都唔貴，值得大家嚟試吓。