Video
Read full review
2019-06-27
108 views
下午茶食厭了大X活，今日回到自己小時候生活的福榮街搵野食，發現呢間瀨粉主題嘅店鋪。小弟係五邑人，細個都成日食瀨粉，加上有下午茶優惠，免費送飲品，所以即刻決定入去一試。店面都闊落，我搵左個好似日式拉麵店咁樣嘅吧檯位坐，中式粉麵嘅醬料都一應齊全。好似X記車X麵一樣嘅招牌推薦同點餐方式。環保方便。下午茶時間食量有限，雖然想試多幾款推薦美食，最後揀左三款最想食嘅，同埋當然要試主角瀨粉。送飲品真係好體貼，畢竟平時食粉麵都冇餐飲或者要加好多錢，有返杯嘢飲真係令成個進餐體驗升級。餐飲黎先，熱辣辣即沖菜蜜。瀨粉上了，配菜鋪滿面，睇唔到瀨粉XD湯勺有花生、蔥同芝麻，雖然筆者全部都食，但如果有個嘢可以分開裝唔食嘅就好了。撥開配菜，可以見到有芽菜同韭菜嘅湯底入面浸住嘅粗瀨粉，成支筷子咁粗。食落表面有粘勁、索湯；內裡彈牙爽滑，湯底鮮甜仲有牛腩嘅腩汁味，相當配合。鮮蝦雲吞，有鮮濃蝦味，亦有豬肉碎，牛腩2大舊（應該話2條啱D）肥瘦相間，唔會乾唔會鞋，牛味同香料味都很突出。不愧係推薦菜式。筆者最愛嘅豬潤，可以話喜出望外。本身見到三大塊又厚已經好興奮，咬一啖爽脆鮮嫩，睇個咬口完全熟透，唔會煮過龍鞋口，而且調過味，絕對
下午茶食厭了大X活，今日回到自己小時候生活的福榮街搵野食，發現呢間瀨粉主題嘅店鋪。小弟係五邑人，細個都成日食瀨粉，加上有下午茶優惠，免費送飲品，所以即刻決定入去一試。
店面都闊落，我搵左個好似日式拉麵店咁樣嘅吧檯位坐，中式粉麵嘅醬料都一應齊全。
好似X記車X麵一樣嘅招牌推薦同點餐方式。環保方便。
下午茶時間食量有限，雖然想試多幾款推薦美食，最後揀左三款最想食嘅，同埋當然要試主角瀨粉。送飲品真係好體貼，畢竟平時食粉麵都冇餐飲或者要加好多錢，有返杯嘢飲真係令成個進餐體驗升級。
餐飲黎先，熱辣辣即沖菜蜜。
瀨粉上了，配菜鋪滿面，睇唔到瀨粉XD
湯勺有花生、蔥同芝麻，雖然筆者全部都食，但如果有個嘢可以分開裝唔食嘅就好了。
撥開配菜，可以見到有芽菜同韭菜嘅湯底入面浸住嘅粗瀨粉，成支筷子咁粗。食落表面有粘勁、索湯；內裡彈牙爽滑，湯底鮮甜仲有牛腩嘅腩汁味，相當配合。
鮮蝦雲吞，有鮮濃蝦味，亦有豬肉碎，
牛腩2大舊（應該話2條啱D）肥瘦相間，唔會乾唔會鞋，牛味同香料味都很突出。不愧係推薦菜式。
筆者最愛嘅豬潤，可以話喜出望外。本身見到三大塊又厚已經好興奮，咬一啖爽脆鮮嫩，睇個咬口完全熟透，唔會煮過龍鞋口，而且調過味，絕對值10蚊。
仲有翠綠嘅通菜，乾淨健康。而且有擎乾水，唔會有一般粉麵店水溝腐乳嘅情況出現，食得放心又舒服。可惜係腐乳有D太鹹，可以改進一下~
大大碗食到抱住個肚走，嘴巴同舌頭都一樣滿足。可以再幫襯，試其他配料。
Post
