小南國 (Closed)

同事提議嚟呢度食晏，順便可以講吓公司是非嘛。百頁卷，細細粒，一啖一粒，係一個好食嘅前菜。用百頁卷住d菜，好開胃，又唔會食飽肚，百頁淡淡地，可以清下d味蕾。醉雞好香酒味，雞肉嫩滑。嚟小南國梗係要點小籠包啦，皮好薄，餡料鮮甜，而且湯汁十足，一籠有5隻，唔夠分每人2隻，我喺同事專心八卦嘅時候，成功夾咗2隻。炒年糕好煙靱，薺菜碎同年糕一齊炒，菜嘅味道加上淡味嘅年糕，好好味。看似細細碟，但係我們可能掛住講，都食唔哂。甜品當然是必食㗎啦！椰汁紫米紅豆小丸子，呢個一定要試。唔會太甜，有椰汁香味，小丸子又好煙靱，是一道出色嘅甜品。桂花糕同都是煙煙靱靱，中間有桂花蜜糖，好味！