顏府御膳 (Closed)

經過銅鑼灣舊公司，探完同事後，見時間尚早跟老公去撐枱腳，粵菜始終都係我最中意的菜系今次坐唔到廂房，坐在正廳都一樣好舒適，環境昏黃一片，空間闊落，都好適合一家大細去食野。前菜小食係蜜餞核桃，香脆的核桃粒的外層是甜甜的糖衣，嘆返杯熱騰騰的普洱茶係人生一大樂事鮑汁鳳爪鳳爪煮得夠稔身，滿滿的骨膠原，食鳳爪很訓練到口技，鳳爪算厚肉大隻，吸收了鮑汁，很入味。仲有花生浸在容器內，很有口感。尖椒皮蛋皮蛋是凍盤，每小塊皮蛋外層有冰花，尖椒夠香麻，聞起上黎很樸鼻，皮蛋蘸上麻辣又真係辣得過癮。青紅蘿蔔螺頭老火湯中式老火湯我都好中意，夠香濃。青紅蘿蔔下火，螺頭滋陰，在秋冬天飲用好潤喉又下火。鮮淮山炒和牛和牛片肉味香濃，而且每片的油脂分佈平均,鮮淮山對脾胃有益，醬汁惹味，枝豆，菇菌都入味。砂鍋大澳蝦醬唐生菜膽熱辣辣上鍋，開蓋時已經聽到滋滋聲，咸香味處處，大澳出名蝦醬，充滿本土風味。唐生菜膽鮮嫩，配上蝦乾，伴飯一流。