麒藝館 (Closed)

有時想食中菜又想環境好啲，坐得舒服啲，慢慢嘆。揀左呢間中菜，午市有套餐亦有散叫；有點心亦有小菜。叫左原隻鮑魚花膠撻，賣相精緻，撻皮夠脆。有少少花膠喺底，面上有鮑魚。仲有豚肉小籠包，小籠包皮夠薄，入面有湯汁，味道唔錯。梅菜日山和牛肉餅，中日配搭，好特別。二人餐先有湯，是日湯係木瓜雪耳，好滋潤。揀咗蛋黃蝦鍋巴，黃金蝦好正，配鍋巴有脆脆口感。咕嚕肉唔會太肥，甜甜酸酸。最後揀咗撈麵，分量少少地，兩個人就啱晒。