中華滙館 (Closed)

朋友話想食中菜，但又想去Ｄ靚Ｄ既地方，可以好好地傾下計，於是簡左中環既中華滙館試下。一入到去當然點個前菜開胃先，開胃菜而言，梗係要簡一D清清甜甜又開胃既小食啦，我地就簡左話梅南瓜。擺盤非常靚，話梅既酸酸甜甜配埋南瓜既清甜，話咁快就比我清哂。第二道係麻辣口水雞。雖然菜名係麻辣，但實質就唔係話好辣，麻味較重。所以唔係太食得辣既朋友都可以試下。之後就到脆炸九肚魚。九肚魚塊炸得非常香口，一D都唔油膩。九肚魚肉非常新鮮嫩口，不單止冇魚腥味，而且唔會有油味，可想而知炸既時間控制得好好。頭先既麻辣口水雞係重麻味，而今次既水煮東星班就係重辣味啦。魚配合湯底一齊吃，辣得好過癮。鍋底仲有粉絲，因為沈係底，自然會比魚肉更入味，絕對不能錯過！話梅豬手，呢個絕對係驚喜之作！豬手炆得非常入味而且肉非常淋。滿滿都係甜酸味，可惜數量不多，好快就食完。終於到重頭戲，八寶鴨啦。不得不讚師傅功力深厚，鴨既外表係非常完整，但內裡係完全冇骨，啖啖都係料，啖啖都係肉。鴨肉蒸得剛剛好，好淋但又唔會冇咬口，亦都好足料。「八寶」，即蓮子﹑冬菇﹑冬筍﹑火腿丁﹑肉丁﹑栗丁﹑咸蛋黃﹑糯米。我就無數有冇八樣材料😝，不如你地幫我數下？話咁快就到