Video
Read full review
2018-09-16
1680 views
今日夜晚同屋企人去咗中華滙館食飯， 呢間餐廳位於中環核心地段，正正就係蘭桂坊嘅下面，史丹頓街。餐廳入邊嘅裝修非常之講究，有傳統中菜嘅氣派。除咗餐廳環境之外，佢嘅碗碗碟碟都非常之講究，貼合返佢餐廳嘅名字，非常之中華。一嚟到我哋先點一杯橙汁開一開胃，橙汁係鮮榨嘅，非常之好飲。話梅南瓜 $60前菜我哋叫咗一個橙汁加話梅味製成嘅南瓜，溫度剛剛好，係廚師自己精心研發嘅，非常開胃。鹿兒島茶美豚叉燒 $280跟住我哋叫咗一個非常之特別嘅叉燒，呢份叉燒特別之處係用咗鹿兒島嘅黑毛豬造成，呢款黑毛豬平日係用綠茶作為佢哋嘅治料， 所以肉質非常之香口，令到厚切嘅叉燒更加出色。炸田雞腿再嚟就係炸田雞腿，師傅炸得田雞嘅時間啱啱好，令到田雞腿入邊嘅肉汁全部留住，好juicy。懷舊八寶鴨 $580跟住我哋就叫咗隻八寶鴨嚟食，八寶鴨經過長時間嘅製作，入邊所有嘅餡料嘅味道已經完全滲入鴨肉入邊，而且鴨皮都已經做得非常之軟，咁俾心機呀做法完全唔同出邊坊間唔同，好值得一試。上湯腐竹配娃娃菜下一味係上湯先腐竹配娃娃菜，湯嘅味道完全進入左娃娃菜入邊，呢味清清地嘅菜完全好適合喺食完濃味嘅八寶鴨之後，中和返口入邊嘅味覺。炒粉絲跟住就要
今日夜晚同屋企人去咗中華滙館食飯， 呢間餐廳位於中環核心地段，正正就係蘭桂坊嘅下面，史丹頓街。餐廳入邊嘅裝修非常之講究，有傳統中菜嘅氣派。除咗餐廳環境之外，佢嘅碗碗碟碟都非常之講究，貼合返佢餐廳嘅名字，非常之中華。
一嚟到我哋先點一杯橙汁開一開胃，橙汁係鮮榨嘅，非常之好飲。
話梅南瓜 $60
前菜我哋叫咗一個橙汁加話梅味製成嘅南瓜，溫度剛剛好，係廚師自己精心研發嘅，非常開胃。
鹿兒島茶美豚叉燒 $280
跟住我哋叫咗一個非常之特別嘅叉燒，呢份叉燒特別之處係用咗鹿兒島嘅黑毛豬造成，呢款黑毛豬平日係用綠茶作為佢哋嘅治料， 所以肉質非常之香口，令到厚切嘅叉燒更加出色。
炸田雞腿
再嚟就係炸田雞腿，師傅炸得田雞嘅時間啱啱好，令到田雞腿入邊嘅肉汁全部留住，好juicy。
懷舊八寶鴨 $580
跟住我哋就叫咗隻八寶鴨嚟食，八寶鴨經過長時間嘅製作，入邊所有嘅餡料嘅味道已經完全滲入鴨肉入邊，而且鴨皮都已經做得非常之軟，咁俾心機呀做法完全唔同出邊坊間唔同，好值得一試。
上湯腐竹配娃娃菜
下一味係上湯先腐竹配娃娃菜，湯嘅味道完全進入左娃娃菜入邊，呢味清清地嘅菜完全好適合喺食完濃味嘅八寶鴨之後，中和返口入邊嘅味覺。
炒粉絲
跟住就要一個炒粉絲，粉絲上高嘅香料淡淡的配合返粉絲，令到啱啱食完咁豐富嘅八寶鴨之後都唔會覺得太飽。
黃金馬拉糕
最後甜品我哋有一個黃金馬拉糕，馬拉糕入邊配上淡淡嘅鹹蛋黃，熱食一流。
Post
