Video
Read full review
2017-05-26
350 views
一早聽聞過日熹樓嘅大名，尤其係嗰幅「百碟宴」嘅相片，共44款菜式，100小碟，好有霸氣，印象深刻。餐廳嘅菜式運用小碟形式，希望客人可以試多幾款食物，人多固然可以冇問題，人少都唔怕點多幾款會食唔哂浪費。日熹樓嘅裝潢都花過唔少心思，單睇都會以為係非常高檔，價錢不菲嗰種。餐廳位置闊落，燈光稍暗，用上木枱木櫈，木屏風、瓷器陳設、餐紙等都甚有中國傳統元素，特別係牆上嘅熊貓壁畫及熊貓圖案嘅小碟。餐廳中央位置有吧枱，客人除左食到京川菜，亦可以摸下酒杯底，中式雞尾酒有米酒、花雕、汾酒、茅台等，佢地嘅名稱玩味十足，【軍】、【攻】、【和】、【喜】、【靜】、【真】、【情】、【流】、【露】。平日晚上客人唔多，加上餐廳空間感足，坐得舒適餐牌選擇豐富，涼菜、鍋巴、湯、京川主菜、水煮、炸物、素菜、海鮮、飯麵、點心、甜品等，定價同一般京川菜館差唔多，但部分菜式以小碟形式呈上，變相份量較少，性價比相對而言較低。坐低後，店員就會送上前菜、開茶。不得不提，呢度嘅店員服務都非常好，加上客人唔多，照顧很足。茶位 $10/位茶壼都印上一個日字，簡單美。花茶芳香，飲落微甘，清新解膩。花雕杞子醉雞 $53醉雞帶好微弱嘅花雕酒香，雞件
日熹樓嘅裝潢都花過唔少心思，單睇都會以為係非常高檔，價錢不菲嗰種。
餐廳位置闊落，燈光稍暗，用上木枱木櫈，木屏風、瓷器陳設、餐紙等都甚有中國傳統元素，特別係牆上嘅熊貓壁畫及熊貓圖案嘅小碟。
餐廳中央位置有吧枱，客人除左食到京川菜，亦可以摸下酒杯底，中式雞尾酒有米酒、花雕、汾酒、茅台等，佢地嘅名稱玩味十足，【軍】、【攻】、【和】、【喜】、【靜】、【真】、【情】、【流】、【露】。
平日晚上客人唔多，加上餐廳空間感足，坐得舒適
餐牌選擇豐富，涼菜、鍋巴、湯、京川主菜、水煮、炸物、素菜、海鮮、飯麵、點心、甜品等，定價同一般京川菜館差唔多，但部分菜式以小碟形式呈上，變相份量較少，性價比相對而言較低。
坐低後，店員就會送上前菜、開茶。
不得不提，呢度嘅店員服務都非常好，加上客人唔多，照顧很足。
茶位 $10/位
茶壼都印上一個日字，簡單美。花茶芳香，飲落微甘，清新解膩。
花雕杞子醉雞 $53
醉雞帶好微弱嘅花雕酒香，雞件係非常滑溜，肉多皮唔肥膩，個人就怕酒味太勁嘅醉雞，所以覺得不俗
但如果鐘意食濃烈酒味醉雞嘅人，或者會嫌唔夠醉。
花雕杞子醉雞
$53
19 views
0 likes
0 comments
花雕杞子醉雞
$53
19 views
0 likes
0 comments
白切黑豚肉粉皮 $73
粉皮好碎好碎，幾乎用筷子都唔係好夾到。
黑豚肉亦都普普通通，感覺太似火鍋放題嗰種，醬汁有點少，食落有啲乾
白切黑豚肉粉皮
$73
14 views
0 likes
0 comments
白切黑豚肉粉皮
$73
8 views
0 likes
0 comments
雲吞雞湯 $58/位
雲吞雞湯位上，細細一碗，入面一件雞、一粒雲吞、白菜。湯底呈乳黃色，金華火腿味道非常突出，雞件煲過湯都唔會鞋口，雲吞亦大粒皮薄，滲入湯汁嘅味道雲吞雞湯熱辣辣，作為湯怪當然滿足，可惜份量真係太少。
雲吞雞湯
$58
9 views
0 likes
0 comments
雲吞雞湯
$58
6 views
0 likes
0 comments
日熹灌湯小籠包 $43/3件
小籠包湯汁豐富，一咬入去已經湧出黎，幾有驚喜
餡料唔會太鹹，所以湯汁飲落就略淡。如果小籠包皮能夠再做薄身一點更出色。
日熹灌湯小籠包
$43
11 views
0 likes
0 comments
日熹灌湯小籠包
$43
13 views
0 likes
0 comments
羅春閣爆汁生煎包 $63/3件
以鐵鍋上，店員都提醒我地小心湯汁太熱。
生煎包嘅皮唔會好厚身，而且好脆口，咬開少少已經見到啲湯汁咇出黎，湯汁夠多
餡料就唔算好多，而且冇落太多調味，湯汁較清，唔會好鹹。整體黎講，都相當滿意呢個生煎包。
👉羅春閣爆汁生煎包
$63
11 views
0 likes
0 comments
辣子雞丁 $63
雞丁炸得唔會太乾身，所以食落就唔夠脆口，入面仲有唔少腰果，食落只有麻辣嘅香，唔食辣嘅人都食到。
但我食得辣，先點辣子雞，只有麻香食唔到辣，就覺得唔夠過癮。
辣子雞丁
$63
9 views
0 likes
0 comments
宮保蝦球 $73
本來覺得價錢稍貴，但見到一碟有三隻大蝦球都可以一試，真係好少食到咁大隻蝦球
宮保蝦球
$73
20 views
0 likes
0 comments
蝦球炸粉唔厚，蝦肉除左大隻，仲非常新鮮彈牙，調味就完全唔辣嘅，似拔絲，所以食落甜甜地，好好味
金腿炆津白 $53
金華火腿味道強烈，津白入味，不過不失啦。
韭黃鱔糊 $83
平時好少點鱔糊，因為通常都搵笨全部係韭黃。
呢度嘅鱔嘅份量都算多喎，而且唔會切到好幼，保留口感調味適中，炒得剛好，唔會過乾過濕，如果加配饅頭或老銀絲卷一流！
韭黃鱔糊
$83
11 views
0 likes
0 comments
見到店家嘅甜品menu以源記甜品專家嘅門面為背景，順便試埋啦。
芝麻糊 $26
芝麻糊都夠稠身，味道香濃，但就唔會好滑。
芝麻糊
$26
8 views
0 likes
0 comments
杏仁露 $26
杏仁露好食呀，杏仁味好香，飲落唔會好甜，好滋潤。
杏仁露
$26
11 views
0 likes
0 comments
總括而言，日熹樓嘅食物都幾有水準，大部分都好啱我地口味，特別喜歡生煎包、小籠包。
餐廳定價就唔貴，只係份量略少，勝在可以點多幾款，乜都試到，夠豐富。
環境方面比好多上海菜館都坐得舒服，我好欣賞佢地嘅餐具，印花好靚又配合主題
而且服務都冇話說，幾位店員都非常細心有禮。
Post
