Tartes & Pop

Open Now

Now Closed

店面甚細，位於西港城汁邊，由外國經營，有大隱隱於市之感。雖然舖細，但係極有空間感，櫃檯位置不大，而且只有一邊有幾個面壁坐位，中間有一大片空間，令到細小嘅店面都唔會俾人侷促嘅感覺。今日天氣極好，外賣咗兩件撻，到海邊食。第一件係黑芝麻抹茶。上有抹茶糕同粉，中間有一層黑芝麻味餅層，下面再有一陣軟蛋糕層，然後成個再被一個茶味極濃又似乎有黑朱古力味嘅餅底包住。外表靚之餘，一咬落去，無論味道口感都勁有層次，非常正！第二個係檸檬撻，上面有三塊gianduja朱古力，中間係檸檬糕，再加個餅底。檸檬層夠檸味，夠軟又夠甜，加埋朱古力香的確唔錯。不過味道太重，成個食晒會有少少滯，最好share食。近港澳碼頭，以後路過必食。