四姐川菜

Open Now

Now Closed

朋友約食川菜，今次過海去到銅鑼灣食，地點真係好近地鐵出口，但當初用google map教錯路，繞左一圈，轉用其他map先搵到（奉勸該區勿用google map搵路）回歸正題，上到餐廳，地方不大，約七八張枱，但食物走精緻路線，點左2款涼菜3款熱菜，上枱速度都幾快。先上枱嘅係口水雞，賣相已經十分吸引人，剛好食嘅係軟骨位，微辣帶酸，搭配可口，可惜唔夠辣（事後睇其他食評先發現原來要向職員提辣度，食評果然很重要）另一款涼菜係尖辣皮蛋，初初見佢賣相一般，同紅彤彤嘅口水雞比較，顯得陰沉，但食落有驚喜，皮蛋皮靭內軟，充滿咸香，送飯一流熱菜分別點左糖醋里脊、水煮肉片同招牌炒飯。糖醋里脊酸甜度啱啱好，唔會甜到人打冷震，里脊肉每件大小差唔多，外脆唔洗講，難得係裡面嘅肉爽脆。唔知係未前幾碟都較重味，食炒飯時覺得味道略淡，但感覺更加合適，尤其係皮蛋送飯輪到我最最期待嘅水煮肉片難得見到唔係牛或者魚，而係豬肉片，滾動到我肉片軟滑，火喉啱啱好，帶少少麻辣，真的很好!必食之選。最後餐廳送了盤炒青菜清一清這裡還有外國人識搵到上黎食，不過見佢地食川菜飲香檳，我覺得配啤酒更痛快臨走等周圍望，這裡也有外賣服務