Video
Read full review
2017-09-11
4251 views
旺角一向有好多美食 我同朋友經常去呢頭搵食 之前食過burger、特色小菜 我地都好滿意 所以今日我地又去發掘好野食～我地行左一陣 本來想食西餐 但忽然見到呢間叫老點點心專門店之後 我地又轉軚食中菜 😂 因爲佢既店鋪設計好特別 啲點心睇落又新鮮又唔會太油膩👍🏼 老點點心有少少穿越時空既感覺 佢既牆上掛滿各色各樣既點心牌 牆身既顏色又帶點八十年代既風格 有幾幅充滿香港特色既畫 設計新穎 吸引食客既眼球👀 不過佢地既餐具唔似茶樓嗰啲瓷杯 佢地清一色用左膠碗、膠碟 可能係為左防止打爛既緣故 用膠就比較耐用～ 所有只係睇餐具 又會覺得好似返返黎現代 😛 事不宜遲 立即叫野食先😋 佢地既點餐紙非常簡潔 一張兩面就囊括曬多款傳統既中式點心 另外仲有幾款餐紙係為特色小食而設～ 脆皮麥心小煎堆 $28一客三球既小煎堆 入口非常香脆 內裡鬆軟綿密 面頭既芝麻令小煎堆變得更香口～ 入面有朱古力醬 香甜味美 🤤蜜味叉燒包 $19叉燒包一客三件 每個都大大個 麵包皮香甜鬆軟 入面有好足料既叉燒 相信大家對蜜汁叉燒都冇乜抵抗力 味道鮮美香甜 😋咸香黑魚子燒賣 $19燒賣界既新品當然要試下啦 尤其係我呢個黑魚
我地行左一陣 本來想食西餐 但忽然見到呢間叫老點點心專門店之後 我地又轉軚食中菜 😂 因爲佢既店鋪設計好特別 啲點心睇落又新鮮又唔會太油膩👍🏼
老點點心有少少穿越時空既感覺 佢既牆上掛滿各色各樣既點心牌 牆身既顏色又帶點八十年代既風格 有幾幅充滿香港特色既畫 設計新穎 吸引食客既眼球👀
不過佢地既餐具唔似茶樓嗰啲瓷杯 佢地清一色用左膠碗、膠碟 可能係為左防止打爛既緣故 用膠就比較耐用～ 所有只係睇餐具 又會覺得好似返返黎現代 😛 事不宜遲 立即叫野食先😋
佢地既點餐紙非常簡潔 一張兩面就囊括曬多款傳統既中式點心 另外仲有幾款餐紙係為特色小食而設～
脆皮麥心小煎堆 $28
一客三球既小煎堆 入口非常香脆 內裡鬆軟綿密 面頭既芝麻令小煎堆變得更香口～ 入面有朱古力醬 香甜味美 🤤
蜜味叉燒包 $19
叉燒包一客三件 每個都大大個 麵包皮香甜鬆軟 入面有好足料既叉燒 相信大家對蜜汁叉燒都冇乜抵抗力 味道鮮美香甜 😋
咸香黑魚子燒賣 $19
燒賣界既新品當然要試下啦 尤其係我呢個黑魚子愛好者 更加想試下中菜加入黑魚子既味道會點樣😂 燒賣賣相吸眼不在話下 佢既面頭放左黑魚子 味道好香好正 鮮味又彈牙 絕對係夢幻組合👍🏼👍🏼💕
蝦餃 $19
唔洗多講 蝦餃一定係大家既集體回憶 我肯定大家去到茶樓 一定都食過蝦餃 但大大隻又新鮮既蝦餃唔知你地又試過未 😛 佢係名副其實既皮薄餡靚 出面既粉皮晶瑩剔透 入面隻蝦大到你唔信 仲要好鮮嫩彈牙 食過包你返尋味 😆
XO醬蒸鳳爪 $20
多數去到茶樓食鳳爪 都係配豆豉多～ 但老點點心既鳳爪配xo 醬 既新潮又好味 🤤 XO醬好入味 鳳爪基本上好離骨 食起上黎好方便 👍🏼👍🏼
蝦膠玉子豆腐 $24
第一次喺茶樓食呢道菜 佢既賣相同燒賣有幾分相似 面頭放左蝦籽 下面係鮮味既蝦膠 重點係底部既玉子豆腐 😍 非常嫩滑 呢道菜係我當晚既至愛 😋
蟲草花蒸排骨 $24
排骨係我同朋友都不約而同話要點既食物 排骨依然係咁嫩滑 果然經典既風味係歷久彌新👍🏼 不過呢道菜加入左新元素 就係蟲草花 蟲草花好有益 平時多數會喺湯品上見到 配排骨就第一次見 估唔到味道幾唔錯 仲多左一重蟲草花味 🍖🌾
珍寶鮮蝦腸 $28
腸粉係我同朋友既童年回憶 真係一定要點😋 不過珍寶鮮蝦腸係第一次食 細個都係得普通腸粉 呢條又大又長 見到都流曬口水 🤤
一定要為巨型蝦腸黎一個大特寫～腸粉皮好細滑 鮮蝦彈牙 好值得大家一試 😜
老點點心絕對稱得上價廉物美 食到就黎行唔郁 每人都係百幾蚊 店員服務態度和藹 係住家既溫暖 好推薦大家去食 就算一個人去都唔尷尬 ☺️
Post
