康和閣酒家

Open Now

Now Closed

飯茶係香港人生活嘅文化，家庭聚會，朋友聯誼，無論早中午餐，得閒就會飲茶。今天我就應朋友邀請，到了黃埔花園嘅康和閣飲茶。酒樓在商場地面直到，唔駛搭電梯左轉右轉，地方唔算大，勝在燈光火著好醒晨。環境枱布食具都好乾淨，值得一讚灌湯鮮竹卷係灌湯餃同鮮竹卷混合版，鮮竹卷吸收左上湯，食落唔駛乾爭爭，確係一個好嘅變化。芝麻馬碲糕，混入了芝麻醬嘅馬碲糕，既有芝麻香又有馬蹄糕嘅原汁原味，又係一個成功嘅配搭。重點推介：擂沙煎堆仔，其實係芝麻湯丸上面灑滿芝麻粒，如此二合為一外型激似煎堆，味道好得令我們再次追加。值得一提係假日繁忙，服務員都招呼周到，就是連送餐的姐姐都相當貼心，能夠如此上下一心，管理層應記一功。