101手工涮涮鍋 (Closed)

厚福街食肆立林，朋友就偏偏揀著打邊爐任食幾乎每個禮拜都會打邊爐既我內心已經想爆粗，點解無講打邊爐除外，可惜係我叫朋友揀，唔想佢揀完又被我拒絕，反正未食過既餐廳都未嘗不可侍應先問有冇食過，冇食過就會詳細介紹，海報咁大張落單紙，第一就要選擇湯底，主要台式風味為主，清清地就揀咗冬瓜卜卜蜆海鮮湯，個鍋已經裝滿材料，色彩繽紛鮮味十足每人加多$30可以有時令海鮮拼盤，有大大隻美國桶蠔、彈牙海蝦及成煲都係既卜卜蜆因為兩位送一碟既關係，我地都係捨棄豬肉，叫返信心保証既手砌牛頸脊，肉味濃又夠嫩滑由於台灣夜市火鍋拼盤係滷水為主感覺普通，而101特選手工火鍋拼盤感覺較為精緻，所以我地都選擇後者，最愛墨魚汁鳥結糖，以為係甜品，原來係有墨魚汁、墨魚肉同軟骨打成，口感Q彈又爽脆，黑松露蟹肉餃及黑松露芝士豚肉餃外皮煙韌、餡料結實同樣係美味之選手工即炸響鈴及魚皮真係熱辣辣可以齋咬當小食，吸收湯汁後又係另一番滋味飲品選擇亦比一般任食選擇多，雖然唔係咩矜貴飲品，但起碼唔洗每次都竹蔗茅根、汽水、啤酒，而且調配得都好味仲有無限追加火鍋配料，不過食完枱面既嘢我地只夠位食多幾棵菜，仲有忍唔住食多粒芝士竹輪卷，已經撐到肚皮爆炸喇