醉忘魚屋 (Closed)

💡 精緻日式居酒屋銅鑼灣永光中心樓上有間道道菜式都非常精緻考究嘅日式居酒屋，同朋友放工過嚟食嘢飲酒就啱晒。🍽️ 鮟鱇魚肝鮟鱇魚肝被視為魚類界的"鵝肝"，餐廳做到入口絲滑，豐潤，奶油般既口感，味道濃郁，食落非常有層次。🍽️ 特上刺身四點全部刺身都非常高質，包括中拖羅，鰆魚，甜蝦同肉赤貝。刺身溫度適中，中拖羅肥美，肉赤貝脆口，甜蝦鮮甜Q彈，鰆魚有濃郁既魚味，值得一試！🍽️ 吞雲吐霧一上菜就非常吸精，店員一開蓋，煙霧彌漫，同時漂黎濃濃既蘋果木香，真係視覺同嗅覺既享受。由蘋果木煙燻過嘅芝士，夾埋紫菜一齊食，芝士味道creamy濃郁，紫菜薄脆輕盈。🍽️ 五色沙追唐揚沙追魚炸到油份迫晒出嚟唔油膩，加上五色米通，色彩繽紛，配蛋黃醬一流。🍽️ 汁燒太刀魚太刀魚充滿油香，無骨啖啖肉，加上燒汁非常惹味。🍽️芝士海膽醬燒豆腐豆腐內裹非常滑溜，表面夠挺身唔會碎開，加上面頭濃郁嘅海膽醬，balance得啱啱好。🍽️自家製免治雞肉棒居酒屋經典菜式，雞肉棒入邊嘅雞軟骨非常有口感，點埋蛋黃將味道昇華。Ps/ 店員除咗服務細心，仲好好每道菜都會作簡單介紹。