Video
Read full review
2023-08-27
616 views
啱啱去完日本旅行，對日本美食念念不忘，而係香港搵一間日式餐廳都有好多選擇。今日午餐一於食LDK啦。由餐廳門口擺放嘅餐牌所見，餐廳提供唔同種類嘅菜式，包括意粉、咖喱蛋包飯、漢堡扒、漢堡、烏冬，同埋最吸晴嘅芭菲甜品同法式吐司，另外仲有夏日限定菜單，一於試下啦。柚子海鮮冷烏冬 $108夏日熱辣辣好熱好熱，夏天冇咩胃口最啱就係食啲酸酸地，又凍嘅菜式，呢個柚子海鮮冷烏冬就啱晒啦。海鮮有三文魚子同埋帆立貝，將所有海鮮同埋烏冬撈埋之後，有柚子醋嘅加持令到成碟烏冬嘅味道增添不少，酸味刺激味蕾增加口水，令到烏冬喺嘴裏面變得更加滑溜，再加埋爽甜帆立貝及鹹鮮嘅三文魚子好夾。唯一可以挑剔嘅係烏冬唔夠凍，不過烏冬都彈牙。經典A4和牛漢堡$108漢堡一上碟好大個，麵包面搽咗醬汁令到唔會太乾身，即使放咗一陣，麵包身仍然保持脆口，A4和牛漢堡保持到肉汁鮮嫩，再加埋生菜同埋蕃茄一齊食，口感特別豐富。配菜仲有曲身嘅薯條同埋沙律菜，整體飽腹度感重。莓家族乳酪芭菲 $78見到咁多人嗌甜品，我都唔執輸啊！今次試咗呢個雜莓乳酪芭菲，有一片杏仁脆片做裝飾，加上幾粒急凍嘅藍莓同雜莓，配埋用莓打成嘅乳酪，酸酸甜甜好開胃，食到底仲有啲穀
今日午餐一於食LDK啦。由餐廳門口擺放嘅餐牌所見，餐廳提供唔同種類嘅菜式，包括意粉、咖喱蛋包飯、漢堡扒、漢堡、烏冬，同埋最吸晴嘅芭菲甜品同法式吐司，另外仲有夏日限定菜單，一於試下啦。
柚子海鮮冷烏冬 $108
夏日熱辣辣好熱好熱，夏天冇咩胃口最啱就係食啲酸酸地，又凍嘅菜式，呢個柚子海鮮冷烏冬就啱晒啦。海鮮有三文魚子同埋帆立貝，將所有海鮮同埋烏冬撈埋之後，有柚子醋嘅加持令到成碟烏冬嘅味道增添不少，酸味刺激味蕾增加口水，令到烏冬喺嘴裏面變得更加滑溜，再加埋爽甜帆立貝及鹹鮮嘅三文魚子好夾。唯一可以挑剔嘅係烏冬唔夠凍，不過烏冬都彈牙。
經典A4和牛漢堡$108
漢堡一上碟好大個，麵包面搽咗醬汁令到唔會太乾身，即使放咗一陣，麵包身仍然保持脆口，A4和牛漢堡保持到肉汁鮮嫩，再加埋生菜同埋蕃茄一齊食，口感特別豐富。配菜仲有曲身嘅薯條同埋沙律菜，整體飽腹度感重。
莓家族乳酪芭菲 $78
見到咁多人嗌甜品，我都唔執輸啊！今次試咗呢個雜莓乳酪芭菲，有一片杏仁脆片做裝飾，加上幾粒急凍嘅藍莓同雜莓，配埋用莓打成嘅乳酪，酸酸甜甜好開胃，食到底仲有啲穀物脆片加埋唔會好甜嘅乳酪，整體配搭都非常之融和。
莓家族乳酪芭菲
$78
60 views
0 likes
0 comments
福岡八女抹茶紅豆白玉拿鐵 $58
紅豆同埋白玉係會分開上，因為一放落去嘅時候就會即刻沉落底。另外糖水另上，可以自己控制甜度。
福岡八女抹茶紅豆白玉拿鐵
$58
9 views
0 likes
0 comments
Post
