食意 (Closed)

今日同朋友仔嚟到深水埗搵好嘢食，今次就試吓呢間充滿意大利風情嘅餐廳門口重點寫着免收加一，而家嘅餐廳已經好少見有免收加一😍😍😍餐廳主要係行簡約風嘅路線，有充滿意大利風情嘅擺設，燈光柔和舒適，每張枱之間都有足夠嘅空間，即使坐滿晒客人，都唔會有食餐飯都要同人逼埋哂既情況出現。餐牌嘅食物款式種類都幾多，分別有意粉、前菜、小食、薄餅、主菜同埋甜品等等。意大利菜來講價錢亦都算係非常親民落完單之後，店員隨即送上餐包一籃，係薄薄一塊好似印度薄餅咁樣嘅，口感煙韌，食落充滿麵粉的香味，旁邊係黑醋醬，點黑醋食，又有另一種風味，酸酸甜甜，更加開胃。值得一提嘅係餐包係任添👍🏻食完餐包冇耐，就上咗Pizza，我哋叫咗洋蔥香辣沙樂美腸pizza，係手工薄餅，薄餅薄薄一層，咬落鬆脆，薄餅好香麥既味道，Pizza嘅材料都幾豐富有洋蔥、小蕃茄、香草、芝士、番茄醬同埋主角沙樂美腸。材料嘅配搭都幾夾，而且好有層次感，茄醬酸酸甜甜，中和左芝士同腸既膩感。沙樂美腸咸香，帶起成個Pizza嘅味道。叫咗廚師推介嘅意式羅馬茄青口鱸魚，份量都幾大碟，鱸魚肉質嫩滑，魚嘅鮮味好出，青口亦都好新鮮，魚同青口嘅鮮味都帶咗落個湯度，鮮甜可口。另外