Video
Read full review
2024-04-12
1941 views
另一半就嚟生日，於是我就搵左一間浪漫嘅餐廳帶佢去食。「AMIS」係一間法日嘅fusion餐廳，用創新同埋新鮮食材打造性價比高西餐。首先店員會送上是日餐包，分別配搭香草牛油和焦糖牛油。餐包係新鮮焗製，我自己就比較鍾意配搭焦糖牛油，鹹香中帶點甜味。AMUSE BOUCHE分別有三款嘅小食，螢光魷魚配搭柚子醋，魷魚爽口又有酸甜嘅味道。第二款係鵪鶉蛋，配搭魚子醬同埋炸粉絲。第三款係蕃茄高湯，配搭乾身蕃茄煮食，飲落去都好鮮甜嘅。BOTAN EBI TARTARE依款係牡丹蝦他他，牡丹蝦起肉再加入橄欖油和黑椒，味道超級鮮甜呀。而牡丹蝦頭就炸過，可以連頭一齊食，一樣酥脆㗎。AMADAI | SHUNGIKU PURÉE日本嘅金鯛，用左立鱗燒嘅方式烹調，魚鱗一片片豎起都好香脆。店員會倒入日本皇帝菜、昆布、木魚和紫菜煮成嘅清湯，帶番少少濕潤嘅感覺。HOKKAIDO UNI CUP | LOBSTER JELLY選用北海道海膽製成海膽杯，加入龍蝦湯清湯啫喱、 百和慕絲，口感幼滑又鮮甜。HOKKAIDO SCALLOP AGLIO E OGLIO PASTA用上超厚身嘅北海道帆立貝，表面香煎，內層肉質夠彈牙
首先店員會送上是日餐包，分別配搭香草牛油和焦糖牛油。餐包係新鮮焗製，我自己就比較鍾意配搭焦糖牛油，鹹香中帶點甜味。
AMUSE BOUCHE
分別有三款嘅小食，螢光魷魚配搭柚子醋，魷魚爽口又有酸甜嘅味道。第二款係鵪鶉蛋，配搭魚子醬同埋炸粉絲。第三款係蕃茄高湯，配搭乾身蕃茄煮食，飲落去都好鮮甜嘅。
BOTAN EBI TARTARE
依款係牡丹蝦他他，牡丹蝦起肉再加入橄欖油和黑椒，味道超級鮮甜呀。而牡丹蝦頭就炸過，可以連頭一齊食，一樣酥脆㗎。
AMADAI | SHUNGIKU PURÉE
日本嘅金鯛，用左立鱗燒嘅方式烹調，魚鱗一片片豎起都好香脆。
店員會倒入日本皇帝菜、昆布、木魚和紫菜煮成嘅清湯，帶番少少濕潤嘅感覺。
HOKKAIDO UNI CUP | LOBSTER JELLY
選用北海道海膽製成海膽杯，加入龍蝦湯清湯啫喱、 百和慕絲，口感幼滑又鮮甜。
HOKKAIDO SCALLOP AGLIO E OGLIO PASTA
用上超厚身嘅北海道帆立貝，表面香煎，內層肉質夠彈牙。醬汁方面用咗全熟嘅香蒜、橄欖油和辣椒炒成，充滿蒜蓉嘅味道。
MISO GLAZED BLACK COD | LEMON PURÉE
用上日本菜常見嘅西京燒，銀鱈魚熟度剛好夠嫩滑。值得一提嘅係檸檬醬汁，醬汁用上檸檬、牛油魚子炒成，酸酸地一定可以更加帶出魚肉嘅甜味。
最後甜品方面就有芒果拿破崙配搭自家製嘅雪糕，味道香甜，結束今次完美嘅一餐。
Post
