Video
Read full review
2018-02-21
2487 views
中午和同事食午餐，大家不約而同都想試下LCX新tower嘅餐廳，果度新開左好多餐廳，對於我呢個已經好多年喺海港城返工嘅上班族黎講，簡直係沙漠中既綠洲～ 今次我地諗住食辣野，情人節衝擊下自己既味蕾，就揀左呢間「映水芙蓉」，中午唔使book檯已經有位，仲要對住無敵大海景，食得心曠神怡～ 餐廳入面的環境其實幾好，好寬敞，檯與檯之間唔會太近，可以有番D私人空間，講野都唔使就住就住。落地大玻璃望到維港，相信夜晚黎食應該好好feel~ 閒日有set lunch，唔太記得exactly幾錢，印象大概$120度一個set，以呢個地段、環境同食物質素其實幾抵食～一個lunch set包主菜+飯/粥+餐飲。 同事叫左個冷麵set lunch，再配個白粥。坦白講，麵加粥呢個配搭既澱粉質含量超哂標，我亦都想像唔到D麵點樣配個飯/粥，好彩我叫左個麻婆豆腐set lunch，總算有D野配下飯/粥。 唔好睇下面個冷麵其貌不揚，意想不到咁好味，個汁真係無得頂！少少辣得黎又有少少甜同麻，唔油膩。麵軟硬適中，唔叫得上彈牙，但起碼唔會太淋。 我就叫左個麻婆豆腐set lunch，有少少後
今次我地諗住食辣野，情人節衝擊下自己既味蕾，就揀左呢間「映水芙蓉」，中午唔使book檯已經有位，仲要對住無敵大海景，食得心曠神怡～
餐廳入面的環境其實幾好，好寬敞，檯與檯之間唔會太近，可以有番D私人空間，講野都唔使就住就住。落地大玻璃望到維港，相信夜晚黎食應該好好feel~
閒日有set lunch，唔太記得exactly幾錢，印象大概$120度一個set，以呢個地段、環境同食物質素其實幾抵食～一個lunch set包主菜+飯/粥+餐飲。
同事叫左個冷麵set lunch，再配個白粥。坦白講，麵加粥呢個配搭既澱粉質含量超哂標，我亦都想像唔到D麵點樣配個飯/粥，好彩我叫左個麻婆豆腐set lunch，總算有D野配下飯/粥。
唔好睇下面個冷麵其貌不揚，意想不到咁好味，個汁真係無得頂！少少辣得黎又有少少甜同麻，唔油膩。麵軟硬適中，唔叫得上彈牙，但起碼唔會太淋。
冷麵
130 views
0 likes
0 comments
我就叫左個麻婆豆腐set lunch，有少少後悔。其實個辣度同麻都適中，對於我呢個唔係太食得辣既人黎講，我覺得係剛剛好。但係實在太油啦！就算配飯都食到有D膩，整體黎講我覺得麻麻地。不過抵讚既係個麻婆豆腐下面keep住有溫火暖住佢，所以係Keep住熱；但調返轉頭咁諗，如果無左個溫火，D油應該已經杰左喺面好恐怖咁既樣。
麻婆豆腐
163 views
0 likes
0 comments
鑒於我地都講得個麻婆豆腐麻麻地，又想試下D特色野，就叫左個敲糖棒棒雞。賣相絕對一流，紅油被糖膠包住，店員會用湯匙敲碎糖膠，等紅油流出黎再拌均。雞肉嫩滑，醬汁麻、辣、香，食到尾先發現原來D麵係瓜絲，完全意想不到。本來以為只係單純呃like既餸菜，係色、香、味俱全！
敲糖棒棒雞
266 views
0 likes
0 comments
其實Menu仲有好多特色野食，奈何lunch set都係D比較大眾化嘅餸菜，下次再黎真係要試下D特色野食！值得一讚既係店員既服務態度好好，由帶位到解釋menu都好有禮貌、好詳細，加分！
Post
