五要素食堂 (Closed)

今日嚟到the ONE新開嘅餐廳，好簡單而開揚嘅裝修的確令人好舒服~呢道嘅午餐唔係特別平，但每一樣都令人食指大動，好期待！係餐廳主打嘅黑毛和牛牛扒丼！成個配搭落足心思，有幾款唔同味道同質感嘅沙律菜，可以中和番牛嘅油脂味，唔會好似平時咁愈食愈滯~每塊熟嘅程度都係啱啱好，加上簡單調味，真係好有新鮮感。另一個就係厚切牛舌丼，同之前個款一樣，只係換咗一粒粒牛舌。牛舌軟熟又唔會太油膩，好食！順帶一提呢間餐廳嘅飯都有一陣牛油香，但食落又唔會滯住或者覺得油，呢種感覺好得意。