皇軒私房菜 (Under Renovation)

打工仔平時好少食住家飯，出街食又多味精 。如果有選擇的話，都會約埋三五知己或者同親戚朋友去私房菜館食，貪佢夠曬住家feel，又唔需要自己親手買同煮， 都可以食到媽咪靚餸。 （皇軒私房菜） 定位係中高價級別，有齊鮑參翅肚，今晚試咗（蠔皇花膠玉掌$288），可謂相當稱職，鮑汁厚滑香，玉掌炆得入味，非常出色。老闆也是識酒之人，壁廚放有各地的 whisky。裝潢設計精緻，猶如迷你藝術展覽在on show。咕嚕豬頸肉，炸粉皮薄，透肉香，使用原個菠蘿切粒顯廚師心思，功價。蠔皇花膠玉掌， 鮑魚芡汁香滑，似花膠般滑，原隻花膠筒大大隻，賣相一流。 炸bb鴿，不時從內地供貨到港，新鮮，師傅手勢亦見一班，鴿皮炸至薄脆，肉聞鮮香，質地嫩滑，炸起透濃肉香。 津菜蒸玉荷包，手工之作，菜葉透光，潤澤，餡料豐富，菜心莖位顯刀工，像露筍。 晶瑩玉葡萄，圓形冬瓜粒，寓意團團圓圓。 雜錦豉油王炒麵，香口，彈牙， 麵條有勁度，醬油香。