AFTER TEN (Closed)

cafe環境優美，樓頂高，空間感大。而且寧靜舒服，座位寬闊，可以好好享受嘆下。餐廳主要採用木製品，落地大玻璃增加光線，鍾意既可以坐bar枱仔，望街景食。叫左煙三文魚雜菌扁意粉($88)，抹茶鮮奶($38)。意粉送上時傳來濃濃煙三文魚味道，見到滿滿三文魚鋪係面頭，亦有沙律菜點綴。雜菌量非常豐滿，有切成大片既蘑菇，入口香濃，口感一流。煙三文魚肉質結實，濕潤，唔會腥。而意粉軟硬度屬硬身dd既口感，個人鍾意亦接受。醬汁好creamy，因為d菇味好濃烈，好掛汁。一個人食，超飽。飲品不得不叫，因為打卡靚，而且杯墊好有心思，係瓷磚。拉花做得好靚，而抹茶濃厚，鮮奶幼滑，飲完好溫暖。整體，坐低慢慢嘆午餐，好寫意。店內仲有多款飲品、茶點、輕食，侍應落完單就會去忙，完全唔會係樓面阻住客人吹水食野，有咩再招手，佢地就會再幫忙，讚。