Video
Read full review
2024-05-25
67 views
-今日同朋友去荔枝角食ʟᴜɴᴄʜ ，呢間餐廳裝修走花園風格，主要食西餐，梳化坐得幾舒服，可以同朋友慢慢傾偈，我哋避開lunch time唔駛排隊，ᴍᴇɴᴜ款式都多選擇。😻Deli Tray Set MenuSoup + A + 2款B+ C + D $108（Ice Fruit Tea 鮮果冰茶/ Cassia Seed Tea 菊花決明子茶）湯🥣 甘筍忌廉湯湯品入口順滑，入面仲有好輕微嘅甘筍蓉，香甜可口。A 前菜 胡麻豆腐 ：豆腐入口都好滑溜，配合日本芝麻醬冇得輸！🍳溫泉蛋 ：配搭套餐超美味！🦐新鮮帶子拼大蝦包括兩粒蝦同一粒帶子：帶子生熟度啱啱好，並唔會有雪藏味道，一入口仲食到原本嘅質感，蝦🦐亦都爽口新鮮，當然如果大隻少少會再加分。🐮慢燉牛小排呢個牛小排肉質真係好腍，應該燉咗一段時間：達到肉質入口即溶，仲加咗紅蘿蔔，帶少少紅酒燴牛腩嘅風格，送飯真係一流！🐷BBQ 豬軟骨豬軟骨中間位置亦都煮得好腍，入面仲食到好多軟骨，充滿濃濃嘅膠原蛋白，調味方面燒烤醬汁為主，但調味都恰當，唔會過份鹹，yummy！🐟三文魚扒呢個就超級厚身，外皮煎得香脆，再以簡單嘅黑椒調味，味道都不錯，但對比豬軟骨同牛小
今日同朋友去荔枝角食ʟᴜɴᴄʜ ，呢間餐廳裝修走花園風格，主要食西餐，梳化坐得幾舒服，可以同朋友慢慢傾偈，我哋避開lunch time唔駛排隊，ᴍᴇɴᴜ款式都多選擇。
😻Deli Tray Set Menu
Soup + A + 2款B+ C + D $108
（Ice Fruit Tea 鮮果冰茶/ Cassia Seed Tea 菊花決明子茶）
湯🥣 甘筍忌廉湯
湯品入口順滑，入面仲有好輕微嘅甘筍蓉，香甜可口。
A 前菜
胡麻豆腐 ：豆腐入口都好滑溜，配合日本芝麻醬冇得輸！
🍳溫泉蛋 ：配搭套餐超美味！
🦐新鮮帶子拼大蝦
包括兩粒蝦同一粒帶子：帶子生熟度啱啱好，並唔會有雪藏味道，一入口仲食到原本嘅質感，蝦🦐亦都爽口新鮮，當然如果大隻少少會再加分。
🐮慢燉牛小排
呢個牛小排肉質真係好腍，應該燉咗一段時間：達到肉質入口即溶，仲加咗紅蘿蔔，帶少少紅酒燴牛腩嘅風格，送飯真係一流！
🐷BBQ 豬軟骨
豬軟骨中間位置亦都煮得好腍，入面仲食到好多軟骨，充滿濃濃嘅膠原蛋白，調味方面燒烤醬汁為主，但調味都恰當，唔會過份鹹，yummy！
🐟三文魚扒
呢個就超級厚身，外皮煎得香脆，再以簡單嘅黑椒調味，味道都不錯，但對比豬軟骨同牛小排就普通咗少少。
💛焦糖燉蛋 $30
貫徹焦糖燉蛋的一貫做法，表皮有一層好脆嘅焦糖脆皮，底層滑溜嘅燉蛋，略嫌燉蛋味道淡咗少少，但好彩有上面濃郁的焦糖脆片搭救。
😋C選擇都幾多元化，揀飯、意粉、椰菜花飯、藜麥或者麵包！
🍹餐飲
百香果冰茶
超級適合夏天飲嘅一個飲品，偏酸充滿百香果香味，非常開胃，如果裏面有生果口感就會更豐富。
☕️Americano
正常西餐咖啡質素，咖啡豆深烘，喜歡苦的朋友就適合，我就要加奶先飲到。
✨味道嚟講真係唔錯，份量就比較精緻，營養超級均衡，一份餐包括：肉類、前菜、湯和飲品，呢個價錢包咁多嘢食算合理，如果你喺大胃王可能要叫多一份小食。
🤎Food Garden ETC (荔枝角)
📍荔枝角長義街9號D2 Place ONE 3樓303號舖
-
Post
