Video
Read full review
2017-04-08
1190 views
日本表弟同朋友黎香港玩幾日， 同細佬決定同佢地食北京填鴨。 諗一大輪後決定去一間連我自己都未去過嘅北京老家， 貪佢裝修精緻坐得舒服兼比少少新意自己！ 5個人諗咗一輪決定叫一個4人餐另加其他冷盤同宮保大蝦球， 志在比表弟同佢朋友試多少少款！ 套餐包兩款涼菜可以任轉，我keep蒜泥白肉但將香辣海蜇轉咗䓤油海蜇， 再加咗烤麩同素鵝。䓤油海蜇好香夾埋蘿蔔絲好爽！蒜泥白肉豬肉係爽嘅，但醬汁未免太杰，味道似係咸嘅芝麻醬再加過多嘅蒜蓉， 唔識欣賞！ 還好烤麩冇令我失望，溫度甜味都啱啱好，啱哂日本人口味！ 至於素鵝，上枱已經好後悔，因為我以為佢入面會係夾咗菇、紅蘿蔔絲咁， 點知係全腐竹, 其實還可以嘅，只係同我期望不符... 主菜係個宮保蝦球上先， 講真有d失望, 佢個汁真係好濕， 還好個脆醬冇浸到淋哂，味道還ok...或者我唔應該攞佢黎同xx樓比！ 再黎鐵板羊肉，少少羶加埋d䓤，即刻要叫番兩條炸銀絲卷黎夾住食！ 好味到食咗半至記得影相！ 填鴨因為係4人餐所以得半隻，皮幾脆， 只係嫌個醬有少少咸咗d.. 餐包柚子魚， 叫餐時姐姐話可以改松子魚，但由於我叫咗宮保蝦， 所以決定試下佢個招牌菜。 上枱賣相少
5個人諗咗一輪決定叫一個4人餐另加其他冷盤同宮保大蝦球， 志在比表弟同佢朋友試多少少款！ 套餐包兩款涼菜可以任轉，我keep蒜泥白肉但將香辣海蜇轉咗䓤油海蜇， 再加咗烤麩同素鵝。
䓤油海蜇好香夾埋蘿蔔絲好爽！蒜泥白肉豬肉係爽嘅，但醬汁未免太杰，味道似係咸嘅芝麻醬再加過多嘅蒜蓉， 唔識欣賞！ 還好烤麩冇令我失望，溫度甜味都啱啱好，啱哂日本人口味！ 至於素鵝，上枱已經好後悔，因為我以為佢入面會係夾咗菇、紅蘿蔔絲咁， 點知係全腐竹, 其實還可以嘅，只係同我期望不符...
主菜係個宮保蝦球上先， 講真有d失望, 佢個汁真係好濕， 還好個脆醬冇浸到淋哂，味道還ok...或者我唔應該攞佢黎同xx樓比！
再黎鐵板羊肉，少少羶加埋d䓤，即刻要叫番兩條炸銀絲卷黎夾住食！ 好味到食咗半至記得影相！
填鴨因為係4人餐所以得半隻，皮幾脆， 只係嫌個醬有少少咸咗d..
餐包柚子魚， 叫餐時姐姐話可以改松子魚，但由於我叫咗宮保蝦， 所以決定試下佢個招牌菜。 上枱賣相少少嚇親表弟， 因為條魚係企响度兼被摟到彎咗.... 😅😅 魚唔鯹， 個汁因為用椂柚肉煮幾清甜， 之前道道菜都濃味，清一下都好～
其實食到呢度都已經好飽！ 佢突然放低一大碟麵我至記得餐包咗個炒刀削麵！ 其實大家嗰一下有少少反白眼, 但大家試咗一啖之後反應唔同哂！ 我叫咗碟辣醬跟住食咗兩碗麵！ 對... 食哂所以唔記得影相！ 😂😂😂
我諗我仲會返黎食過， 因為呢度幾啱三五知己慢慢食又幾好坐！ 當然我下次會識得叫咩食啦~~
䓤油海蜇
20 views
0 likes
0 comments
蒜泥白肉
22 views
0 likes
0 comments
四喜烤麩
24 views
0 likes
0 comments
素鵝
54 views
0 likes
0 comments
宮保大蝦球
33 views
0 likes
0 comments
鐵板燒羊肉
27 views
0 likes
0 comments
北京填鴨
42 views
0 likes
0 comments
老家柚子魚
36 views
0 likes
0 comments
Post
