Video
Read full review
2023-09-17
27 views
放咗工想Chill 下，諗返起之前食過嘅西班牙酒吧餐廳。餐廳雖然距離銅鑼灣地鐵站唔遠，但位置比較隱世，環境亦係鬧市中嘅寧靜，適合朋友聚會。 色彩繽紛嘅霓虹燈喺街道特別吸晴。 餐廳設有靠窗嘅座位、較舒服靠主牆嘅四人位，亦有少量高枱，高枱檯面比較小，好快擺滿菜式，不過菜式比較精緻，盛裝嘅碗碟亦比較細小 ，尚算放得到。 🐙薄切慢煮八爪魚大約有7塊 ，切得薄而均勻，有心思咁逐片鋪墊，口感軟綿易咬，加上蕃茄蓉同橄欖油 更加開胃。 🍣薄切炙燒吞拿魚腩味道濃郁甘香，配合表層香口嘅芝麻同清新沙律菜，中和到吞拿魚腩既油膩感。 🍢棒棒鵝肝有趣嘅賣相，將鵝肝搓成球狀，好似棒棒糖咁吉住🍭，鹹香濃郁，翻滾後黏上開心果碎同堅果， 口感更豐富。 平時習慣鵝肝醬配餅/多士中和返，不過每人分一枝，都唔會太重口味。🍳西班牙薯仔蛋餅 蛋餅比較厚實，切開後蛋汁傾流而出， 入面仲有添加蕃茄醬，配料唔少，有粒粒薯仔、洋葱、火腿同少許芝士。🐽🍅西班牙慢烤乳豬蕃茄鍋飯西班牙乳豬經過慢烤， 更加薄脆，亦能鎖住肉汁，保持柔嫩。原隻乳豬脾上菜，大到遮蓋住米飯，不過有骨切開分享有啲難度，沾滿蕃茄高湯嘅米飯粒粒分明，偏乾爽。有幾款Signat
餐廳設有靠窗嘅座位、較舒服靠主牆嘅四人位，亦有少量高枱，高枱檯面比較小，好快擺滿菜式，不過菜式比較精緻，盛裝嘅碗碟亦比較細小 ，尚算放得到。 
🐙薄切慢煮八爪魚大約有7塊 ，切得薄而均勻，有心思咁逐片鋪墊，口感軟綿易咬，加上蕃茄蓉同橄欖油 更加開胃。
🍣薄切炙燒吞拿魚腩
味道濃郁甘香，配合表層香口嘅芝麻同清新沙律菜，中和到吞拿魚腩既油膩感。
🍢棒棒鵝肝
有趣嘅賣相，將鵝肝搓成球狀，好似棒棒糖咁吉住🍭，鹹香濃郁，翻滾後黏上開心果碎同堅果， 口感更豐富。 平時習慣鵝肝醬配餅/多士中和返，不過每人分一枝，都唔會太重口味。
🍳西班牙薯仔蛋餅
蛋餅比較厚實，切開後蛋汁傾流而出， 入面仲有添加蕃茄醬，配料唔少，有粒粒薯仔、洋葱、火腿同少許芝士。
🐽🍅西班牙慢烤乳豬蕃茄鍋飯西班牙乳豬經過慢烤， 更加薄脆，亦能鎖住肉汁，保持柔嫩。原隻乳豬脾上菜，大到遮蓋住米飯，不過有骨切開分享有啲難度，沾滿蕃茄高湯嘅米飯粒粒分明，偏乾爽。
有幾款Signature 選擇
🍹Virgin Sangria
用上士多啤梨、橙同青檸等雜果，加上梳打水，幾清爽。
🍹Rose Sangria
菠蘿檸檬 容易入口，但味道未及Virgin Sangria 濃郁。
Post
