The Balcony (Closed)

星期二放工後約左舊同學去happy hour ,飲飲下肚餓就決定去搵d野食，就上OpenRice 睇下附近有乜好食，就比我地見到呢間the balcony ,見到又有set dinner 評語又唔錯，就馬上起行啦！入到去藍藍既天花板配上白色牆壁好有歐陸風情！入面侍應問我食物既喜好之後推介左我呢個set,前菜係煎鵝肝配日式蘿蔔及菠蘿鵝肝好大件好肥美，表層煎到金黃香脆，內裡入口即溶，配合埋底層鮮甜既波羅中和左油膩，十分滋味！餐湯係經典龍蝦湯，湯頭非常濃郁入味，加埋少少忌廉更加帶出湯既香味！係等待主菜既期間，仲有個菜式凍虎蝦牛油果配白松露牛油果一向係我好中意既水果，配合虎蝦出奇地夾，好清新既一道菜，醬汁酸酸甜甜令人更加開胃芝士辣根黑松露帶子用芝士焗過既帶子好鮮美，黑松露都無手軟！正係食主菜之前，餐廳好貼心咁安排左個雪葩比我地清一清味蕾！主菜終將上場，就係慢煮鹿兒島黑豬柳配日式吉列飯團，黑豬柳肉質鮮嫩，配上蘋果醋汁更加帶出豬柳既肉香，而旁邊既日式吉列飯團係我第一次食感覺非常特別，整體非常出色！最後仲有甜品拼盤,我最欣賞就係個綠茶奶凍，入口綿滑，綠茶奶茶奶香滿滿，唔會死甜，帶有綠茶既香味！呢度都