Video
Read full review
2023-06-18
676 views
餐廳嘅裝修好靚，近窗位置仲有落地玻璃，睇住尖沙咀街景，好寫意。一坐低職員已經俾咗麵包籃我哋，入邊有四種唔同嘅麵包☺️我最鍾意嘅係牛角酥，配上岩鹽牛油，熱辣辣嘅麵包好好食，仲有兩粒芝士作為餐前小食。神石榴酸橘汁醃海鮮佢嘅做法真係好精緻，醬汁整成類似啫喱咁嘅形態，鋪喺上面。入面嘅嘅海鮮好豐富，有油甘魚、北海道帶子西班牙八爪魚等等。食落去酸酸地好開胃。法國白露荀，溏心蛋，海膽沙巴翁時令新鮮嫩口嘅白蘆筍，食落清甜冇渣。海膽沙巴翁醬好特別，同白蘆筍都幾夾。忌廉蘑菇湯非常之香濃，同埋好結🫶🏻係我鍾意嘅口感！法式洋蔥醬手打意粉•48小時慢煮牛小排製作方法好用心，洋蔥生炒至熟所以比較甜。闊條麵煙韌有彈性，口感爽身，意粉真係要食手打先至好食。慢煮牛小排好香牛味又軟身☺️上面有焦糖燒汁點綴。雞胸雞胸好大件好厚，用咗慢煮方式咁就一定唔會鞋，而且仲幾嫩，無流失肉汁。雞胸中間夾住咗意大利黑松露，令雞胸嘅香味提升，黑松露嘅份量好多每一啖雞肉都食到佢嘅香味。值得一題，就係佢隔離嗰塊雞皮🫶🏻嘢飲方面真係好精緻好靚😎😎都係幾十蚊已經有咁正嘅嘢飲，特別係有花花個杯，職員會用火槍燒過嗰塊葉，視覺效果一流📍Attic Handm
一坐低職員已經俾咗麵包籃我哋，入邊有四種唔同嘅麵包☺️我最鍾意嘅係牛角酥，配上岩鹽牛油，熱辣辣嘅麵包好好食，仲有兩粒芝士作為餐前小食。
神石榴酸橘汁醃海鮮
佢嘅做法真係好精緻，醬汁整成類似啫喱咁嘅形態，鋪喺上面。入面嘅嘅海鮮好豐富，有油甘魚、北海道帶子西班牙八爪魚等等。食落去酸酸地好開胃。
法國白露荀，溏心蛋，海膽沙巴翁
時令新鮮嫩口嘅白蘆筍，食落清甜冇渣。海膽沙巴翁醬好特別，同白蘆筍都幾夾。
忌廉蘑菇湯
非常之香濃，同埋好結🫶🏻係我鍾意嘅口感！
法式洋蔥醬手打意粉•48小時慢煮牛小排
製作方法好用心，洋蔥生炒至熟所以比較甜。闊條麵煙韌有彈性，口感爽身，意粉真係要食手打先至好食。慢煮牛小排好香牛味又軟身☺️上面有焦糖燒汁點綴。
雞胸
雞胸好大件好厚，用咗慢煮方式咁就一定唔會鞋，而且仲幾嫩，無流失肉汁。雞胸中間夾住咗意大利黑松露，令雞胸嘅香味提升，黑松露嘅份量好多每一啖雞肉都食到佢嘅香味。值得一題，就係佢隔離嗰塊雞皮🫶🏻
嘢飲方面真係好精緻好靚😎😎
都係幾十蚊已經有咁正嘅嘢飲，特別係有花花個杯，職員會用火槍燒過嗰塊葉，視覺效果一流
📍Attic Handmade Pasta (尖沙咀)
尖沙咀金馬倫道33號The Cameron1樓101號舖
Post
