Video
Read full review
2023-03-07
69 views
終於到左放工嘅時間，抱住疲倦嘅身心去K11充下電，嚟到依間充滿藝術氣息嘅《ATUM》。天花用咗樹枝形狀嘅裝飾設計，長身就用左水泥嘅工業風，有一剛一柔嘅感覺。首先會送上餐前麵包，送到上嚟嘅時候仲係保持暖度，可以配上牛油一齊食用，加添牛油嘅咸香味道。吞拿魚 竹炭脆餅 紅菜頭沙律 $118用左好似畫畫嘅設計，紫紅色粉末將菜式變成藝術。吞拿魚蓉有嚼勁又充滿魚鮨味，紅菜頭又帶天然嘅酸甜，好開胃嘅前菜。火炙香蔥左口魚•魚白湯燉飯 $188火炙令到左口魚嘅魚鮨迫哂出嚟，質感軟腍又充滿濃厚嘅油脂香。另外飯粒軟硬適中，吸收哂魚白湯嘅鮮味，好鮮甜。鮑魚蟹膏醬燉飯 $188另一款燉飯就味道濃郁好多，因為加左蟹膏醬入去，質感又好creamy。另外鮑魚煮到好腍身入味又有嚼勁。甜品玫瑰威士忌雪糕配牛油脆餅依款係期間限定嘅甜品，中間嘅雪糕整成蝴蝶嘅形狀。玫瑰雪糕加上士多啤梨醬同埋威士忌啫喱，香甜又唔膩。海膽雪糕配清酒冰完全冇諗過海膽都可以整成雪糕，雪糕有海膽嘅鮮甜味但係有大少少鹹味。同帶酒香嘅清酒冰形成味道嘅平衡。ATUM Restaurant (尖沙咀)尖沙咀河內道18號K11購物藝術館1樓101B號舖
首先會送上餐前麵包，送到上嚟嘅時候仲係保持暖度，可以配上牛油一齊食用，加添牛油嘅咸香味道。
吞拿魚 竹炭脆餅 紅菜頭沙律 $118
用左好似畫畫嘅設計，紫紅色粉末將菜式變成藝術。吞拿魚蓉有嚼勁又充滿魚鮨味，紅菜頭又帶天然嘅酸甜，好開胃嘅前菜。
火炙香蔥左口魚•魚白湯燉飯 $188
火炙令到左口魚嘅魚鮨迫哂出嚟，質感軟腍又充滿濃厚嘅油脂香。另外飯粒軟硬適中，吸收哂魚白湯嘅鮮味，好鮮甜。
鮑魚蟹膏醬燉飯 $188
另一款燉飯就味道濃郁好多，因為加左蟹膏醬入去，質感又好creamy。另外鮑魚煮到好腍身入味又有嚼勁。
甜品
玫瑰威士忌雪糕配牛油脆餅
依款係期間限定嘅甜品，中間嘅雪糕整成蝴蝶嘅形狀。玫瑰雪糕加上士多啤梨醬同埋威士忌啫喱，香甜又唔膩。
海膽雪糕配清酒冰
完全冇諗過海膽都可以整成雪糕，雪糕有海膽嘅鮮甜味但係有大少少鹹味。同帶酒香嘅清酒冰形成味道嘅平衡。
ATUM Restaurant (尖沙咀)
尖沙咀河內道18號K11購物藝術館1樓101B號舖
Post
