반찬앤쿡 Banchan and Cook (時代廣場) (Closed)

新開既韓式餐廳主打蛋包飯，仲有韓式小食。晚市大約7點，人流唔算多，餐廳環境非常大，有好多座位，而且好寬闊，甚至多人gathering都冇問題。入座後會送上醃蘿蔔開胃前菜。叫左招牌咖哩炸豬扒飯($110)，鰻魚蛋包飯($105)。招牌咖哩炸豬扒飯可以跟dinner set加錢有飲品。冇諗過除左有炸豬扒之外，仲有咁多伴菜。炸豬扒炸皮夠薄，而且塊豬扒都幾大塊。咖哩少少辣，煮得夠稠及濃，好適合拌飯。脆皮腸大大條脆卜卜，仲好貼心將脆皮腸𠝹左幾刀，方便切。配菜既炸粉絲卷不過不失，可以試到韓國小食，旁邊仲有d蔬菜點綴，令成碟野食既賣相提高左好多，食物味道唔錯。大大條鰻魚好吸引，而且蛋包飯好完整咁鋪左係飯上面，顏色好靚。鰻魚既肉質係屬於有彈性個款，唔係魚肉既口感，鰻魚皮都係有彈性個款。雞蛋嫩滑，好大份，但略為淡味。蕃茄炒飯炒得唔錯，粒粒都有蕃茄紅色，飯量都幾多，食食下好飽。配菜同樣不過不失，有蔬菜感覺健康d。整體，環境好舒服，食物賣相味道好，打卡一流，可以慢慢食，唔會趕人走。