名館 (Closed)

成日黎銅鑼灣都唔知有呢間野，朋友帶先知。佢係希慎幾乎最上層，仲要有塊大玻璃，坐窗邊就可以睇下銅鑼灣既(石屎)景咁。我一見到呢個炸鮮奶卷就想試，無試過係茶樓見過。佢一啲都唔油，好香奶味。個口感好好，因為個皮同鮮奶比例差唔多，所以唔會太甜品，一開始食好開胃。朋友指明點個山葵。平時都唔見佢咁健康。試左舊，唔怪得佢指名。呢味餸係涼拌既，山葵唔會好粘，反而係好爽脆清新，夏天食一流。另外既小籠包都好好味，皮夠薄，咳開一小口，啲湯汁好香肉味，吸曬啲湯汁後放入口，完美。呢個點心盤我已經忘記個名，宜家好似唔係叫宮廷點心盤，總之佢一上黎個賣相真係好靚，係會哇一聲。個乳酪杯都好好食，不過我個人唔太好其他中式甜品，😂黎到先知係甜品盤，個兔仔係紅豆蓉黎，個黑色包好似係流心蓮蓉。Overall成間都好食。必定會返黎。